သံလွင်မြန်မာသတင်း
ဩဂုတ်လ ၃၀
တနင်္သာရီတိုင်း၊ ရေဖြူမြို့နယ်၊ ဆယ်အိမ်စုကျေးရွာအနီးတွင် တိုက်ပွဲဖြစ်ပြီး စစ်သား ၃၄ ဦး သေဆုံး ခဲ့ကြောင်း ရာမညမွန်တပ်တော် -RMA က ထုတ်ပြန်သည်။
ဩဂုတ်လ ၂၈ ရက် နံနက် ၁၀ နာရီ ၂၃ မိနစ်တွင် ရေဖြူမြို့နယ်၊ ဆယ်အိမ်စုကျေးရွာအနီးသို့ စစ် ကြောင်း ဝင်ရောက်လာသော အကြမ်းဖက်စစ်တပ် စစ်ကြောင်းကို တော်လှန်ရေး ပူးပေါင်း တပ်ဖွဲ့မှ တိုက်ခိုက်ခဲ့ရာ အပြန်အလှန် ပစ်ခတ်တိုက်ပွဲ ၁၂ နာရီ ၄၀ မိနစ်အထိ ၃ နာရီအကြာ တိုက်ပွဲ ပြင်း ထန်ခဲ့ကြောင်း သိရသည်။
အကြမ်းဖက်စစ်တပ် စစ်ကြောင်း ထိုးစစ်ဆင်လာသည့်အချိန်မှစ၍ ဩဂုတ်လ ၂၈ ရက်နေ့အထိ တိုက်ပွဲများအတွင်း အကြမ်းဖက်စစ်သား ၃၄ ဦး ထက်မနည်းသေဆုံးကာ ၁၀ ဦးထက်မနည်း ဒဏ် ရာရရှိခဲ့ကြောင်း သိရသည်။
အဆိုပါ တိုက်ခိုက်မှုများကို ရာမညမွန်တပ်တော် (RMA) ၏ ရေဖြူဒေသတပ်ရင်းမှ ရဲဘော်များနှင့် မဟာမိတ်ပူးပေါင်းတပ်ဖွဲ့များ ပူးပေါင်းကာ တိုက်ခိုက်လျက်ရှိပြီး ရာမညမွန်တပ်တော် (RMA) မှ ရဲ ဘော် ၁ ဦး မြင့်မြတ်စွာကျဆုံးခဲ့ပြီး မဟာမိတ်ပူးပေါင်းတပ်ဖွဲ့များမှ ရဲဘော် ၃ ဦး ဒဏ်ရာရရှိခဲ့ ကြောင်း သိရသည်။
ရေဖြူမြို့နယ်အတွင်း၌ ထိုးစစ်ဆင်လာသော အကြမ်းဖက်စစ်တပ် နှင့် တော်လှန်ရေးတပ်ဖွဲ့များ အကြား တိုက်ပွဲများ ပြင်းထန်စွာဆက်လက်ဖြစ်ပွားနိုင်သောကြောင့် မိဘပြည်သူများ အနေဖြင့် စစ်ရေး အသိ၊ သတိဖြင့် သွားလာနေထိုင်ပေးကြပါရန် အသိပေးထားသည်။
Thanlwin Myanmar Media
