ရေဖြူမြို့နယ်၊ မရမ်းချောင်းကျေးရွာကို ဝင်ရောက်လာသော အကြမ်းဖက် စစ်ကြောင်းမှ ဗိုလ်မှူး စိုးမိုးကျော်၊ ဗိုလ်ကြီးဝင်းမင်းစိုး၊ ဗိုလ်ကြီးအံ့ဖုန်းကျော်နှင့် ဗိုလ်ကျော်မိုးခိုင် တို့က အသက် ၈၀ ခန့် အ ရွယ်အဖိုး ၊ အဖွား ၂ ဦးကို ပစ်သတ်၊ အလောင်းလာသယ်သည့် ရွာသားများကိုလည်း ဖမ်းဆီးထား

ပြည်သူ့ကာကွယ်ရေးပူးပေါင်းတပ်ဖွဲ့တိုက်ခိုက်မှု အကြမ်းဖက်စစ်သား ၃၆ ဦးသေဆုံး

သံလွင်မြန်မာသတင်း

ဩဂုတ်လ ၂၉

တနင်္သာရီတိုင်း၊ ရေဖြူမြို့နယ်၊ မရမ်းချောင်းကျေးရွာကို ဝင်ရောက်လာသော အကြမ်းဖက်စစ် ကြောင်းမှ စစ်ကြောင်းမှ ဗိုလ်မှူး စိုးမိုးကျော်၊ ဗိုလ်ကြီးဝင်းမင်းစိုး၊ ဗိုလ်ကြီးအံ့ဖုန်းကျော်နှင့် ဗိုလ် ကျော်မိုးခိုင် တို့က အသက် ၈၀ ခန့် အရွယ်အဖိုး ၊ အဖွား ၂ ဦးကို ပစ်သတ်ပြီး အလောင်းလာ သယ် သည့် ရွာသားများကိုလည်း ဖမ်းဆီးထားကြောင်း ရေးပြောက်ကျားတပ်ဖွဲ့က ထုတ်ပြန်သည်။

ဩဂုတ်လ ၂၄ ရက်နေ့က ရေဖြူမြို့နယ်၊ မရမ်းချောင်ကျေးရွာမှ မိုင် ၆၀ ကျေးရွာအတွင်းသို့ ဝင် ရောက်လာသော အကြမ်းဖက်စ်သားများသည် ကျေးရွာအတွင်းမှ ထွက်ပြေးနိုင်ခြင်းမရှိသည့် အဖိုး နှင့်အဖွားနှစ်ဦးကို သတင်းမေးစဉ် မသိကြောင်း ပြောသဖြင့် သေနတ်ဖြင့် ၃ ချက် ပစ်ခတ်သတ်ဖြတ် ခဲ့ကြောင်း၊ သေဆုံးသွားသော အဖိုးနှင့် အဖွားနှစ်ဦး၏ ရုပ်အလောင်းများကို သယ်ယူရန် သွားရောက် သည့် ရွာသား ၁၀ ဦးခန့်ကိုလည်း အကြမ်းဖက်စစ်တပ်က ဖမ်းဆီးထားကြောင်း သိရသည်။

အဆိုပါကျူးလွန်မှုများတွင် ခမရ-၄၀၉ မှ ဗိုလ်မှူး စိုးမိုးကျော် ၊ ဒု-တပ်ရင်းမှူး ဗိုလ်ကြီးဝင်းမင်းစိုး ၊ ဗိုလ်ကြီး အံ့ဘုန်းကျော် ၊ ခလရ-၂၈၂ မှ ဗိုလ်ကျော်မိုးခိုင်တို့ ပါဝင်ကြောင်း၊ ထို့အပြင် ကျေးရွာများမှ ပြည်သူပိုင် ပစ္စည်းများကိုလည်း ဖောက်ထွင်းခိုးယူပြီး ၁၂ ဘီးကား နှစ်စီးဖြင့် သယ်ဆောင်သွား ကြောင်း သိရသည်။

ယခု စစ်ကောင်စီစစ်ကြောင်းတွင် ခမရ-၄၀၉ ၊ ခမရ-၄၀၈ ၊ ခမရ-၄၁၀ ၊ ခလရ-၂၈၂ ၊ ခလရ-၂၇၃ စသည့်တပ်ရင်း ၅ ရင်းပေါင်း၍ စစ်ကြောင်းထိုးနေခြင်းဖြစ်ကြောင်း သိရသည်။

ဩဂုတ်လ ၁၉ ရက်နေ့ ညနေ ၆ နာရီခန့်တွင် ရေဖြူမြို့နယ်၊ ခလရ-၂၈၂ တပ်ရင်းမှ လက်နက်ကြီး ပစ်ကူယူ၍ စစ်ကြောင်းထိုးဝင်ရောက်လာသော အင်အား ၁၅၀ ခန့်ပါ စစ်ကောင်စီစစ်ကြောင်းကို ကော့လှိုင်ကျေးရွာနှင့် မရမ်းချောင်းကျေးရွာအကြား၌ တော်လှန်ရေးပူးပေါင်းတပ်များက တိုက်ခိုက် ခဲ့ပြီး အပြန်အလှန်ပစ်ခတ်တိုက်ပွဲ ၂ နာရီခန့် ကြာမြင့်ခဲ့ပြီး စစ်သား ၂၀ ဦးခန့်သေဆုံးကာ အများ အ ပြား ဒဏ်ရာရရှိခဲ့ကြောင်း၊ ယင်းတိုက်ပွဲအတွင်း ဒဏ်ရာရရှိသူများကို ခလရ-၂၈၂ တပ်ရင်းမှတဆင့် ခမရ-၄၀၈ တပ်ရင်းဘက်သို့ သယ်ယူသွားကြောင်း သိရသည်။

ဩဂုတ်လ ၂၀ ရက် ညနေ ၃ နာရီ ၃၀ မိနစ်တွင် အင်အားထပ်မံဖြည့်တင်း၍ ရေဖြူမြို့နယ်၊ မရမ်း ချောင်းကျေးရွာ အတွင်း သို့ ထပ်မံဝင်ရောက်လာခဲ့ပြီး ပြည်သူများအား လူသားဒိုင်းကာ အဖြစ်ဖမ်း ဆီးကာ မရမ်းချောင်းကျေး ရွာမှ ပြန်လည်ထွက်လာစဉ် ကျေးရွာအထွက်၌ တော်လှန်ရေးတပ်များက တိုက်ခိုက်ခဲ့ရာ အပြန်အလှန် ပစ်ခတ်တိုက်ပွဲ ၁ နာရီခန့် ကြာမြင့်ခဲ့ကြောင်း၊ ယင်းတိုက်ပွဲအတွင်း ခမရ-၄၀၉ မှ ဗိုလ်မှူးတစ်ဦးအပါအဝင် စစ်ကောင်စီတပ်သား အများအပြား ဒဏ်ရာရှိခဲ့ကြောင်း သိရသည်။

ဩဂုတ်လ ၂၂ ရက်နေ့ ညနေ ၄ နာရီ ခန့်တွင် မရမ်းချောင်းဘုန်းကြီးကျောင်းအနီး၌ ထပ်မံ တိုက်ပွဲ ဖြစ်ပွားခဲ့ပြီး အပြန်အလှန် ပစ်ခတ်တိုက်ပွဲ မိနစ် ၄၀ ခန့်ကြာမြင့်ခဲ့ကြောင်း၊ ယင်းတိုက်ပွဲအတွင်း စစ်ကောင်စီ တပ်သား ၆ ဦး သေဆုံးကာ တော်လှန်ရေးတပ်ဖွဲ့ဝင်များ အထိအခိုက်မရှိခဲ့ကြောင်း သိရသည်။

ဩဂုတ်လ ၂၃ ရက်နေ့ မွန်းတည့် ၁၂ နာရီ ၃၀ မိနစ်တွင်လည်း စစ်ကောင်စီစစ်ကြောင်း တပ်စွဲထား သော မရမ်းချောင်းဘုန်းကြီးကျောင်းအတွင်းသို့ တော်လှန်ရေးတပ်များ ဝင်ရောက်ပစ်ခတ်ခဲ့ရာ အ ပြန်အလှန် ပစ်ခတ်တိုက်ပွဲ မိနစ် ၃၀ ခန့်ကြာမြင်ခဲ့ပြီး စစ်ကောင်စီတပ်သား ၆ ဦးခန့် သေဆုံးကာ‌ တော်လှန်ရေးတပ်ဖွဲ့ဝင်များ အထိအခိုက်မရှိခဲ့ကြောင်း သိရသည်။

ဩဂုတ်လ ၂၄ ရက် ညနေ ၅ နာရီခန့်တွင် မရမ်းချောင်းကျေးရွာမှ မိုင် ၆၀ ကျေးရွာဖက်သို့ ထပ်မံ၍ စစ်ကြောင်းထိုး ဝင်ရောက်လာသော စစ်ကောင်စီတပ်သားများကို စတင်တိုက်ခိုက်ခဲ့ရာ အပြန်အလှန် ပစ်ခတ်တိုက်ပွဲ ငယ် ၄ ကြိမ်ဖြစ်ခဲ့ပြီး ၁ နာရီကျော်ကြာမြင့်ခဲ့ကြောင်း၊ ယင်းတိုက်ပွဲအတွင်း အကြမ်း ဖက်စစ်ကောင်စီတပ်သား ထိခိုက်သေဆုံးမှုအရေအတွက်ကို စုံစမ်းနေဆဲဖြစ်ကြောင်း သိရသည်။

ဩဂုတ်လ ၂၅ ရက် နံနက် ၉ နာရီမှ စ၍ ညနေ ၅ နာရီအထိ မရမ်းချောင်းကျေးရွာအနီးတွင် တိုက် ပွဲဆက် လက် ဖြစ်ပွားခဲ့ရာ စစ်သား ၄ ဦး ထက်မနည်းသေဆုံးခဲ့ကြောင်း၊ ယင်းတိုက်ပွဲ အတွင်း စစ် ကောင်စီတပ်က လက်နက်ကြီး အလုံး ၄၀ ထက်မနည်း ပစ်ခတ်ခဲ့ရာ ကျေးရွာ နှင့် လမ်းမကြီး အနီး တဝိုက်တွင် ကျရောက်ပေါက်ကွဲခဲ့ကြောင်း သိရသည်။

အဆိုပါ အကြမ်းဖက်စစ်တပ် စစ်ကြောင်းကို ဒေါနစစ်ကြောင်း – ၂ (YGF) ၊ ဒေါနစစ်ကြောင်း – ၃ (KBDF) ၊ မွန်ပြည်တော်လှန်ရေးတပ် (MSRF) ၊ ကရင်အမျိုးသားလွတ်မြောက်ရေးတပ်မတော် (KNLA) တပ်မဟာ (၆) တပ်ရင်း (၂၇) ၊ရေးသိန်းငှက်တပ်ဖွဲ့ ၊ ABSDF တပ်ရင်း-၁ ၊ ရာမညမွန်တပ်‌‌ တော် (R.M.A)၊ ရေးဘီလူးတပ်ရင်း၊ နည်းဗျူဟာ (၃၃) အထူးစစ်ဆင်ရေးအဖွဲ့နှင့် ကြယ်လင်းရောင် (ဆာကပေါ) တပ်ရင်း (KTLA) တို့ပူးပေါင်းကာ တိုက်ခိုက်ခဲ့ခြင်းဖြစ်ကြောင်း သိရသည်။