သံလွင်မြန်မာသတင်း
ဩဂုတ်လ ၂၉
အကြမ်းဖက်စစ်တပ်ကို အပြီးသတ်အနိုင်ယူနိုင်ရေးအတွက် တိုင်းစစ်ဌာန ၁၀ ခုမှ တပ်မှူးကြီးများ အစည်းအဝေးကိုကျင်းပခဲ့ပြီး ရှေ့လုပ်ငန်းစဉ်များကို ဖော်ထုတ်ချမှတ်နိုင်ခဲ့ကြောင်း NUG ကာကွယ် ရေးဝန်ကြီးဌာနက ထုတ်ပြန်သည်။
ဩဂုတ်လ ၂၃ ရက်၊ ၂၄ ရက် နှင့် ၂၅ ရက်နေ့တို့တွင် အမျိုးသားညီညွတ်ရေးအစိုးရ၊ ကာကွယ်ရေးဝန် ကြီးဌာန၊ ပြည်သူ့ကာကွယ်ရေးတပ်မတော် ၏ တပ်မှူးကြီးများအစည်းအဝေး (၁/၂၀၂၅) ကို အောင် မြင်စွာ ကျင်းပနိုင်ခဲ့ပြီး ယင်းအစည်းအဝေးကို စစ်ဦးစီးချုပ် အမှူးပြု၍ ဒုစစ်ဦးစီးချုပ် နှင့် စစ်ရုံးချုပ် တာဝန် ရှိသူများ၊ အမှတ် ၁ စစ်ဒေသ စစ်ဒေသမှူး၊ ပြည်သူ့ကာကွယ်ရေးတပ်မတော် တပ်မှူးကြီး များ ဖြစ်ကြသည့် တိုင်းစစ်ဌာန ၁၀ ခုမှ တိုင်းကွပ်ကဲရေးမှူး နှင့် ဒုတိယတိုင်းကွပ်ကဲရေးမှူးများ၊ ကာကွယ်ရေးဝန်ကြီးဌာန အကြီးတန်းအရာရှိများ တက်ရောက်ခဲ့ကြောင်း သိရသည်။
ပြည်သူ့ခုခံတော်လှန်စစ်၏ စစ်ရေးအောင်ပွဲများ ဆက်လက် ရရှိနေစေရေး၊ ပြည်သူ့ကာကွယ်ရေး တပ်မတော် နှင့် ပြည်သူ့ကာကွယ်ရေးအဖွဲ့ များကို အမိန့်ပေးကွပ်ကဲမှု ကောင်းမွန်ပြီးကျင့်ဝတ်လိုက် နာသည့် တပ်မတော်တရပ်အဖြစ် စနစ်တကျ ဆက်လက်တည်ဆောက်ရေး၊ အကြမ်းဖက်စစ်တပ်ကို အပြီးသတ် အနိုင်ယူနိုင်ရေးတို့အတွက် ကျင်းပခဲ့ခြင်းဖြစ်ကြောင်း သိရသည်။
လက်ရှိအချိန်တွင် ပြည်သူ့ကာကွယ်ရေးတပ်မတော် စစ်ရုံးချုပ်၏ ကွပ်ကဲမှုအောက်၌ တိုင်းစစ်ဌာန ၁၀ ခုကို ဖွဲ့စည်းဆောင်ရွက်လျက် တပ်ရင်း၊ တပ်ဖွဲ့များကို ကွပ်ကဲ တိုက်ပွဲဝင်လျက်ရှိကြောင်း NUG ကာကွယ်ရေးဝန်ကြီးဌာနက အသိပေးထားသည်။
ယင်းစစ်တိုင်းများမှာ –
(၁) စစ်ကိုင်းတိုင်းစစ်ဌာန
(၂) မန္တလေးတိုင်းစစ်ဌာန
(၃) မကွေးတိုင်းစစ်ဌာန
(၄) ရှမ်းတောင်-ကယား(ကရင်နီ) တိုင်းစစ်ဌာန
(၅) နေပြည်တော်တိုင်းစစ်ဌာန
(၆) ပဲခူးတိုင်းစစ်ဌာန
(၇) ရန်ကုန်တိုင်းစစ်ဌာန
(၈) ဧရာဝတီတိုင်းစစ်ဌာန
(၉) တနင်္သာရီတိုင်းစစ်ဌာန
(၁၀) အထူးတိုင်းစစ်ဌာန
တို့ဖြစ်ကြောင်း သိရသည်။
အဆိုပါ အစည်းအဝေးတွင် တပ်မှူးကြီးများက မိမိတို့ တိုင်းစစ်ဌာနအလိုက် စစ်ရေးသုံးသပ်ချက် စာတမ်းများ တင်သွင်းခဲ့ကြပြီး လက်ရှိ တော်လှန်ရေးအခြေအနေအပေါ် သုံးသပ်ဆွေးနွေးခဲ့ကြကာ ပြည်သူ့ကာကွယ်ရေးတပ်မတော်၏ ရှေ့လုပ်ငန်းစဉ်များကို ဖော်ထုတ်ချမှတ်နိုင်ခဲ့ကြောင်း NUG၊ ကာကွယ်ရေးဝန်ကြီးဌာန၊ ပြည်သူ့ ကာကွယ်ရေးတပ်မတော် ၊ စစ်ရုံးချုပ်က ထုတ်ပြန်ထားသည်။
Thanlwin Myanmar Media
