သံလွင်မြန်မာသတင်း
ဩဂုတ်လ ၂၉
မွန်ပြည်နယ် ၊ ရေးမြို့နယ်၊ ကျောင်းရွာစံပြကျေးရွာအခြေစိုက် အကြမ်းဖက်စစ်ကောင်စီ၏ လက် အောက်ခံ ခမရ ၅၉၁ တပ်ရင်းမှ စစ်မှုထမ်းတပ်သား တစ်ဦး လက်နက်ခဲယမ်းများနှင့်အတူ အလင်း ဝင်ရောက်ခဲ့ကြောင်း ရေးပြောက်ကျားတပ်ဖွဲ့ထံမှ သိရသည်။
ယနေ့ ဩဂုတ်လ ၂၈ ရက်နေ့တွင် ရေးမြို့နယ်၊ကျောင်းရွာစံပြကျေးရွာရှိ အကြမ်းဖက်စစ်တပ် လက် အောက်ခံ ခမရ – ၅၉၁ တပ်ရင်းမှ စစ်မှုထမ်းတပ်သား တသ စအောင်ဖြိုးသန့်သည် MA4 အမျိုးအစား သေနတ် ၁ လက်၊ကျည်ဘောက် ၂ ဘောက်နှင့်ကျည် ၂၅ တောင့်တို့ ယူဆောင်ကာ ပြည်သူ့ ကာ ကွယ်ရေး တပ်မတော် နည်းဗျူဟာ ၃၃ ၊ ဒေါနစစ်ကြောင်း ၂ ၊ ရေးပြောက်ကျားတပ်- YGF ထံသို့ အလင်းဝင်လာခဲ့ခြင်းဖြစ်ကြောင်း သိရသည်။
၎င်းသည် စစ်မှုထမ်းတပ်သားအဖြစ် ဓမ္မစုဆောင်းခံခဲ့ရကာ စစ်မှုထမ်းအပတ်စဉ် ၉ ကို တက်ရောက်ခဲ့ ရသူဖြစ်ပြီး အလင်းဝင်ရောက်လာချိန်တွင် ဒေါနစစ်ကြောင်း ၂ ၊ စစ်ကြောင်းမှူး ရဲဘော်ဗိုလ်ကျန်ရစ် က နွေထွေးစွာကြို ဆိုခဲ့ကြောင်း သိရသည်။
အကြမ်းဖက်စစ်ကောင်စီလက်အောက်ခံ တပ်သားများ၊ စစ်မှုထမ်းတပ်သားများ အနေဖြင့် အချိန်မီ ပြည်သူဘက်သို့ ကူးပြောင်းကြရန်နှင့် အလင်းဝင်ရောက်လိုသူများအနေဖြင့် ဒေါနစစ်ကြောင်း ၂ ၊ ရေးပြောက်ကျားတပ် – YGF နှင့် နီးစပ်ရာတော်လှန်ရေးအဖွဲ့အစည်းများထံ ရရာနည်းဖြင့် အမြန် ဆုံးချိတ်ဆက်ကာ အလင်းဝင်ရောက်ကြရန် တိုက်တွန်းထားသည်။
Thanlwin Myanmar Media
