နွားထိုးကြီးမြို့နယ်တွင် စစ်တပ် စစ်ကြောင်းကို တိုက်ခိုက်မှု စစ်သား ၁၀ ဦးထက်မနည်းသေဆုံးပြီး သေနတ် ၃ လက်၊ ဒရုန်းပစ်လက်နက် ၁ လက်၊ စတားလင့် ၁ လုံး အပါအဝင် ခဲယမ်းနှင့်စစ်သုံး ပစ္စည်း များ သိမ်းဆည်းရရှိ

သံလွင်မြန်မာသတင်း

ဩဂုတ်လ ၂၆

မန္တလေးတိုင်း၊ နွားထိုးကြီးမြို့နယ်အတွင်းဝင်ရောက်လာသော အကြမ်းဖက်စစ်ကြောင်းကို တိုက်ခိုက် ခဲ့ရာ စစ်သား ၁၀ ဦး သေဆုံးပြီး သေနတ် ၃ လက်၊ ဒရုန်းပစ်လက်နက် ၁ လက်၊ စတားလင့် ၁ လုံး အပါအဝင် ခဲယမ်းနှင့်စစ်သုံးပစ္စည်းများ သိမ်းဆည်းရရှိကြောင်း နွားထိုးကြီးမြို့နယ် ပြည်သူ့ကာကွယ် ရေး အဖွဲ့ (ပကဖ) က ထုတ်ပြန်သည်။

ဩဂုတ်လဆန်းပိုင်းမှစ၍ မြင်းခြံမြို့မှ ထွက်လာပြီး နွားထိုးကြီးမြို့နယ်အနောက်ခြမ်းသို့ ဝင်ရောက် လာသော စစ်တပ်စစ်ကြောင်းကို ဩဂုတ်လ ၁၈ ရက်နေ့တွင် မန်လည်ကျေးရွာအရောက် တိုက်ခိုက် ခဲ့ရာ စစ်သား ၁၀ ဦးသေဆုံးပြီး ၈ ဦး ကျော်အပြင်းအထန် ဒဏ်ရာရရှိခဲ့ကြောင်း သိရသည်။

ယင်းတိုက်ပွဲအတွင်း သေဆုံးသွားသော အကြမ်းဖက်စစ်သားများထံမှ MA 11 ၂ လက်၊ ဒရုန်းပစ် လက် နက် ၁ လက်၊ ငါးကြင်းမြီးပြောင်း ၁ ချောင်း၊ လက်ပစ်ဗုံး ၃ လုံး၊ စတားလင့်ဂြိုလ်တု အင်တာ နက် ၁ လုံး၊​ငွေသားတချို့၊ ကျည်ဘောက် ၂ ခုနှင့် ကျည် တချို့ကို သိမ်းဆည်းရရှိခဲ့ကြောင်း သိရ သည်။

ထိုသို့ တိုက်ခိုက်ခံရပြီးနောက် အထိနာပြီး ရက် ၂၀ ကြာစစ်ကြောင်းမှာ နွားထိုးကြီးမြို့နယ်အတွင်းမှ ပြန်ဆုတ်သွားကြောင်း သိရသည်။

အဆိုပါ စစ်ဆင်ရေးကို နွားထိုးကြီးမြို့နယ် ပြည်သူ့ကာကွယ်ရေးအဖွဲ့ (ပ.က.ဖ)နှင့် အတူ မြင်းခြံခရိုင် တပ်ရင်းတပ်ဖွဲ့များ ပူးပေါင်းတိုက်ခိုက်ခဲ့ခြင်းဖြစ်ကြောင်း သိရသည်။

Thanlwin Myanmar Media