သံလွင်မြန်မာသတင်း
ဩဂုတ်လ ၂၅
ရခိုင်ပြည်နယ်၊ ကျောက်ဖြူမြို့နယ်၊ နှမ်းဖဲတောင်နှင့် မင်းတက်တောင်ကြား၌ အကြမ်းဖက်စစ်တပ် စစ်ကြောင်း ၂ ခုကို အာရက္ခတပ်တော် -AA က တိုက်ခိုက်ချေမှုန်းခဲ့ရာ စစ်မှုထမ်းတပ်သား ၁၀၀ ကျော် သေဆုံးခဲ့ကြောင်း ဒေသသတင်းရင်းမြစ်များထံက သိရသည်။
ဩဂုတ်လ ၂၂ ရက်နေ့က ကျောက်ဖြူမြို့နယ်၊ သစ်ပုတ်တောင်တိုက်နယ်ရှိ သပြုတောင်နှင့် ကြတ္တိန် တောင်တို့ဘက်သို့ ချီတက်လာသော အင်အား ၁၀၀ ခန့်ပါအကြမ်းဖက်စစ်ကြောင်း ၂ ကြောင်းကို အာ ရက္ခတပ်တော် – AA က ဂုံးချွန်းတိုက်နယ်၊ နှမ်းဖဲတောင်နှင့် မင်းတက်တောင်ကြားအရောက် တိုက် ခိုက်ချေမှုန်းခဲ့ခြင်းဖြစ်ကြောင်း သိရသည်။
ထိုသို့ ချေမှုန်းခံရမှုကြောင့် အကြမ်းဖက်စစ်ကောင်စီ စစ်ကြောင်း ၂ ခုပေါင်း စစ်သား ၁၀၀ ကျော် သေဆုံးခဲ့ပြီး ယင်းသေဆုံးသူစစ်သားများမှာ စစ်မှုထမ်းဥပဒေဖြင့် မတရားပေါ်တာဆွဲဖမ်းဆီးခံရသူ များဖြစ်ကြောင်း သိရသည်။
ကျောက်ဖြူမြို့နယ်အတွင်းသို့ အကြမ်းဖက်စစ်ကောင်စီတပ်က စစ်မှုထမ်းတပ်သားအများအပြား ကို ပို့ဆောင်ကာ စစ်ကြောင်းထိုးလှုပ်ရှားနေခြင်းဖြစ်ပြီး အာရက္ခတပ်တော် – AA နှင့်နေ့စဉ်တိုက်ပွဲဖြစ် ပွားလျက်ရှိကြောင်း သိရသည်။
Thanlwin Myanmar Media
