သံလွင်မြန်မာသတင်း
ဩဂုတ်လ ၂၁
မွန်ပြည်နယ်၊ ရေးမြို့နယ်မြောက်ပိုင်း၊ အောင်သပြေကျေးရွာအနီးတွင် အကြမ်းဖက်စစ်တပ် စစ် ကြောင်းကို ၂ ကြိမ်တိုက်ခိုက်ခဲ့ရာ စစ်သား ၁ ဦးသေဆုံးပြီး တော်လှန်ရေးတပ်ဖွဲ့ဝင် ၁ ဦးကျဆုံးခဲ့ ကြောင်း မွန်ပြည်တော်လှန်ရေးတပ် -MSRF ထံမှ သိရသည်။
ယမန်နေ့ ဩဂုတ်လ ၂၀ ရက် နံနက် ၉ နာရီ မိနစ် ၂၀ ဝန်းကျင်တွင် တစ်ကြိမ်၊ ညနေ ၅ နာရီ ၁၅ မိနစ်တွင် တစ်ကြိမ် မွန်ပြည်နယ် ရေးမြို့နယ်မြောက်ပိုင်း၊ အောင်သပြေကျေးရွာ အနီးသို့ ဝင်ရောက် လာသည့် အကြမ်းဖက်စစ်ကောင်စီ၏ လက်အောက်ခံ ခမရ ၅၈၈၊ ခလရ ၁၀၆ ၊ အမတ ၃၁၇ တပ် ရင်း ၃ ရင်း ပေါင်း စစ်ကြောင်းကို တော်လှန်ရေး ပူးပေါင်းတပ်ဖွဲ့မှ တိုက်ခိုက်ခဲ့ရာ စစ်သား ၁ ဦး သေဆုံးကြောင်း သိရသည်။
ယင်းတိုက်ပွဲ ၂ ကြိမ်အတွင်း ပထမ အကြိမ်တိုက်ပွဲတွင် အကြမ်းဖက်စစ်ကောင်စီတပ်သား ၁ ဦး သေ ဆုံးခဲ့ခြင်းဖြစ်ပြီး ဒုတိယအကြိမ်တိုက်ပွဲတွင် ဒုတိယအကြိမ် ထိတွေ့တိုက်ပွဲတွင် တော်လှန်ရေး မဟာမိတ်တပ်ဖွဲ့ဝင် KNLA တပ်ရင်း ၂၇ တပ်ခွဲ ၁ မှ ရဲဘော်တစ်ဦး ဖက်ဒရယ်ဒီမိုကရေစီ စနစ် အတွက် မြင့်မြတ်စွာအသက်ပေးလှူခဲ့ရခြင်းဖြစ်ကြောင်း သိရသည်။
အဆိုပါ အကြမ်းဖက်စစ်ကောင်စီ စစ်ကြောင်းကို မွန်ပြည်တော်လှန်ရေးတပ် (MSRF)၊ ရေးပြည်သူ့ ကာကွယ်ရေးတပ် (YPDF)၊ ရာမညမွန်တပ်တော် (RMA) နှင့် KNLA တပ်ရင်း(၂၇) တပ်ခွဲ (၁)တို့ ပူး ပေါင်းကာ တိုက်ခိုက်ခဲ့ခြင်းဖြစ်ကြောင်း သိရသည်။
Thanlwin Myanmar Media
