သံလွင်မြန်မာသတင်း
ဩဂုတ်လ ၂၁
မန္တလေးတိုင်း၊ သပိတ်ကျင်းမြို့နယ်အခြေစိုက် အမှတ် ၁၃ တပ်မတော်လေ့ကျင့်ရေး သင်တန်းကို ရှော့တိုက်ဒုံး ၁၀ လုံးဖြင့် ပစ်ခတ်တိုက်ခိုက်ခဲ့ရာ သင်တန်းနည်းပြအရာရှိ ၃ ဦးအပါအဝင် ၂၁ ဦးသေ ဆုံးပြီး အဆောင် ၄ ခု မီး လောင်ခဲ့ကြောင်း Brave Warriors for Myanmar – BWM က ထုတ်ပြန် သည်။
ယမန်နေ့ ဩဂုတ်လ ၂၀ ရက် မွန်းတည့် ၁၂ နာရီအချိန်က သပိတ်ကျင်းမြို့နယ်ရှိ ၇ မိုင်ရှိ အကြမ်း ဖက် စစ်ကောင်စီ၏ လက်အောက်ခံ အမှတ် ၁၃ တပ်မတော်လေ့ကျင့်ရေး သင်တန်းကျောင်းကို ရှော့တိုက် ဒုံး ၁၀ လုံးဖြင့် ပစ်ခတ်တိုက်ခိုက်ခဲ့ရာ ၉ လုံးအောင်မြင်စွာပစ်ခတ်နိုင်ခဲ့ပြီး အကြမ်းဖက် စစ်တပ်မှ အထက်တန်းသင်တန်းပြ အရာရှိ ၃ ဦးနှင့် အခြားအဆင့် တိုက်ခိုက်ရေး စစ်သည် ၁၈ ဦး စုစုပေါင်း ၂၁ ဦး သေဆုံးခဲ့ပြီး ဒဏ်ရာရရှိသည့် စစ်ကောင်စီတပ်သားစာရင်းကို စုံမမ်း၍ မရရှိကြောင်း နှင့် သင်တန်း အဆောင် ၄ ခု မီးလောင်ကာ သင်ကြားရေးပစ္စည်းအများအပြားပြာကျခဲ့ကြောင်း သိရ သည်။
အဆိုပါ တိုက်ခိုက်မှုကို Brave Warriors for Myanmar – BWM အဖွဲ့၏ ဦးဆောင်မှုဖြင့် Shadow (အညာ)၊ No more Dictatorship (NMD-PDF) နှင့် Infinity (အညာ) အဖွဲ့တို့ ပူးပေါင်းကာ BMW ၏ မစ်ရှင် ၄၃ အဖြစ် တိုက်ခိုက်ခဲ့ခြင်းဖြစ်ကြောင်း၊ ယင်းတိုက်ခိုက်မှုအတွင်း မန္တလေးတိုင်း လက်နက် ကြီးတပ်ဖွဲ့နှင့် နယ်မြေခံတော်လှန်ရေးတပ်ဖွဲ့များက အားဖြည့်ကူညီပေးခဲ့ကြောင်း သိရသည်။
ယင်းသင်တန်းကျောင်းသည် မန္တလေးတိုင်းစစ်ဌာနချုပ်နယ်မြေ အတွင်းရှိ စစ်သည်များက တပ်စိတ် ၊ တပ်စု၊ တပ်ခွဲများ ကို ဦးဆောင်၍ တိုက်ပွဲဝင်နိုင်စေရန် သင်ကြားပေးနေသော အရေးပါသည့် တိုက် ခိုက်ရေးသင်တန်းကျောင်းဖြစ်ရုံသာမက သပိတ်ကျဉ်းနှင့် မိုးကုတ်ကို ထိုးစစ်ဆင်နေသော စစ်ကောင် စီ တပ်သားများ၏ တပ်အထိုင်စခန်းလည်းဖြစ်သောကြောင့် တိုက်ခိုက်ရခြင်းဖြစ်သလို တော်လှန်ရေး တပ်ဖွဲ့များကို အားဖြည့်ကူညီသည့် မစ်ရှင်လည်း ဖြစ်ကြောင်းအသိပေးထားသည်။
တော်လှန်ရေးစစ်မျက်နှာပိုမိုပြင်းထန်လာချိန်တွင် BWM နှင့်မဟာမိတ်အဖွဲ့များသည် မြန်မာနိုင်ငံ၏ အာဏာကို အကြမ်းဖက်နည်းဖြင့် ရယူထားသော တရားမဝင်အဖွဲ့အစည်းဖြစ်သည့် စစ်ကောင်စီက ဦးစီးကျင်းပမည့် တရားမဝင် ရွေးကောက်ပွဲအား ပြင်းပြင်းထန်ထန်ဆန့်ကျင်ကြောင်း ဆက်လက် အသိပေးထားသည်။
နွေဦးတော်လှန်ရေးအမြန်ဆုံးအောင်မြင်ရန် ပြည်သူလူထုသည်လည်း တရားမဝင်ရွေးကောက်ပွဲအား အနုနည်းဖြင့် အဘက်ဘက်မှ ဆန့်ကျင်ကြရန်နှင့် BWM အဖွဲ့အနေဖြင့်လည်း တော်လှန်ရေး အမြန် ဆုံးအောင်မြင်ရန် နည်းလမ်းများကို ရှာဖွေပြီး မဟာမိတ်အဖွဲ့တို့နှင့်အတူ ဆက်လက်ကြိုးစားသွား မည်ဖြစ်ကြောင်း တိုက်တွန်းထားသည်။
Thanlwin Myanmar Media
