သံလွင်မြန်မာသတင်း
ဩဂုတ်လ ၂၁
တနင်္သာရီတိုင်း၊ ထားဝယ်မြို့နယ်တွင် စစ်ယာဉ်ပါ စစ်ကြောင်းကို တိုက်ခိုက်ချေမှုန်းခဲ့ရာ စစ်သား ၁၁ ဦး သေဆုံးပြီး အများအပြား ဒဏ်ရာရရှိကာ ယာဉ်တန်းတစ်ခုလုံးဖျက်ဆီးနိုင်ခဲ့ကြောင်း ဒူရက စစ် ကြောင်းက ထုတ်ပြန်သည်။
ဩဂုတ်လ ၁၈ ရက်မွန်းတည့် ၁၂ နာရီခန့်က ထားဝယ်မြို့ဘက်မှ မေတ္တာမြို့ဘက်သို့ တက်လာသော ယာဉ် ၁၀ စီးနှင့် စစ်သား အင်အား ၁၅ဝ ပါ စစ်ကောင်စီစစ်ကြောင်းကို တော်လှန်ရေးပူးပေါင်းတပ်ဖွဲ့ များက ထားဝယ်မြို့နယ်၊ သင်္ကန်းတုန်းကျေးရွာနှင့် ဝကုန်းကျေးရွာ အကြား ဘဲ့မဲ့တပ်တောင်အနီး အ ရောက်ကြားဖြတ်တိုက်ခိုက်ခဲ့ရာ အပြန်အလှန် ပစ်ခတ်တိုက်ပွဲ မိနစ် ၃၀ ခန်ကြာမြင့်ခဲ့ကြောင်း သိရသည်။
ယင်းတိုက်ခိုက်မှုအတွင်း အကြမ်းဖက် စစ်သား ၄ ဦးသေဆုံးပြီး ၁၀ ဦးခန့် ထိခိုက်ဒဏ်ရာရရှိခဲ့ပြီး စစ် ကောင်စီတပ်သားများကို ကိုင်ဆောင်အသုံးပြုသော MA -1 အမျိုးအစား သေနတ် ၁ လက်၊ ကျည် ဘောက် ၂ ဘောက်နှင့် ဆက်စပ်ပစ္စည်းများ သိမ်းဆည်းရရှိခဲ့ကြောင်း သိရသည်။
အလားတူ ဩဂုတ်လ ၁၉ ရက် နံနက် ၁၀ နာရီခန့်တွင် ယင်းအကြမ်းဖက်စစ်ယာဉ်တန်းနှင့် စစ် ကြောင်းကို သင်္ကန်းတုန်းရွာအတွင်း ထပ်မံတိုက်ခိုက်ခဲ့ရာ အပြန်အလှန် ပစ်ခတ်တိုက်ပွဲ ၇ နာရီခန့် ကြာမြင့်ခဲ့ပြီး စစ်သား ၇ ဦးသေဆုံးကာ ၃ ဦးအရှင်ဖမ်းမိခဲ့ကြောင်း သိရဿည်။
ထို့အပြင် စစ်ကောင်စီ၏ ကား ၁၀ စီးစလုံးကို ဖျက်ဆီးနိုင်ခဲ့ပြီး ကား ၃ စီးပေါ်မှ MA-1 အမျိုးအစား သေနတ် ၄ လက်၊ G-3 အမျိုးအစား သေနတ် ၁ လက်နှင့်ဆက်စပ်ပစ္စည်းများအား သိမ်းဆည်ရရှိခဲ့ ကာ တော်လှန်ရေး ပူးပေါင်းတပ်ဖွဲ့မှ ရဲဘော် ၁ ဦး မြင့်မြတ်စွာ အသက် ပေးလှူခဲ့ရကြောင်း သိရ သည်။
အဆိုပါ တိုက်ခိုက်မှုများကို ဓဝယ်အမျိုးသားလွတ်မြောက်ရေးတပ်တော် (DNLA) ၏ ဒူရကစစ် ကြောင်း ၊ ထားဝယ်ပြည်သူ့ လွတ်မြောက်ရေးတပ်ဖွဲ့ (TPLF) ၊ က္လားသစ္ဆတ်(ကျားသစ်နက်)၊ ဘီလုံး ပျောက်ကျားတပ်ဖွဲ့၊ သံမဏိပေါက်ကြား (နဘယံ) ၊ ဒေါနတပ်ခွဲ (၇) ၊ ထားဝယ်ခရိုင်အမှတ် ၂ တပ် ရင်း (T5) ၊ ထားဝယ်အရှေ့တောတပ်ဖွဲ့ (DEF)နှင့် အရှေ့ပိုင်းကာကွယ်ရေးတပ်ဖွဲ့-EDF တို့ ပူးပေါင်း ကာ တိုက်ခိုက်ခဲ့ခြင်းဖြစ်ကြောင်း သိရသည်။
တစ်နိုင်ငံလုံးအတိုင်းအတာဖြင့် စစ်ရေးအရှိန်အဟုန်တိုးမြင့်စွာ ဆောင်ရွက်နေသည့် အချိန်ဖြစ်သော ကြောင့် မိဘပြည်သူများ အနေဖြင့် စစ်ရေးအထူး သတိပြု သွားလာနေထိုင်ကြရန်နှင့် စစ်ကောင်စီ တပ်မှ အချိန်မရွေး လေကြောင်းအသုံးပြုတိုက်ခိုက်မှုများ ရှိလာနိုင်သောကြောင့် လေကြောင်းရန် ကာကွယ်ရေးနှင့်ပက်သက်သည့် သတင်းအချက်အလက်များကို လိုက်နာကျင့်ကြံ ကြပါရန် တိုက် တွန်းထားသည်။
တော်လှန်ရေးနှင့် စစ်ရေးအရှိန် မြင့်လာသည်နှင့်အမျှ ပြည်သူ့ဘက်၊ အမှန်တရားဘက် ရပ်တည်လို သော စစ်ကောင်စီတပ်မှ စစ်သည်တော်များ၊ ရဲတပ်ဖွဲ့ဝင်များအနေဖြင့် ပြည်သူ့ရင်ခွင် ခိုလှုံ၍ အမြန် ဆုံး ပူးပေါင်းပေးကြပါရန် ဒူရကစစ်ကြောင်းက ထုတ်ပြန်ထားသည်။
Thanlwin Myanmar Media
