ဆီဆိုင်မြို့နယ်၊ ထီဗွာကျေးရွာနေ ကိုယ်ဝန်ဆောင်အမျိုးသမီးတစ်ဦး အပါအဝင် ပြည်သူ ၉ ကို စစ်တပ်က လူသားဒိုင်းကာအဖြစ် ဖမ်းဆီး
D Day News
မေလ ၈
ရှမ်းပြည်နယ်တောင်ပိုင်း၊ ပအိုဝ်းကိုယ်ပိုင်အုပ်ချုပ်ခွင့်ရဒေသ၊ ဆီဆိုင်မြို့နယ်အတွင်း၌ အကြမ်းဖက် စစ်တပ်က ကိုယ်ဝန်ဆောင် အမျိုးသမီးတစ်ဦးအပါအဝင် ပြည်သူ ၉ ဦးကို လူသားဒိုင်းကာအဖြစ် ဖမ်းဆီးထားကြောင်း PNLA သတင်းနှင့်ပြန်ကြား ရေးဌာနထံက သိရသည်။
မေလ ၇ နေ့က ဆီဆိုင်မြို့နယ် ထီဗွာကျေးရွာမှ အမျိုးသား ၅ ဦးနှင့်ကိုယ်ဝန်သည် အမျိုးသမီးတစ်ဦး အပါအဝင် အမျိုးသမီး ၄ ဦးကို လူသားဒိုင်းအဖြစ် ဖမ်းဆီးထားခြင်းဖြစ်ပြီး လက်ရှိအချိန်ထိ ပြန်လည် လွတ်မြောက်လာခြင်းမရှိသေးကြောင်းသိရသည်။
အဆိုပါ ပြည်သူ ၉ ဦးမှာ အကြမ်းဖက်စစ်ကောင်စီတပ်သားများကို ထီဗွာကျေးရွာသို့ စစ်ကြောင်းထိုး လာစဉ် ကြောက်ရွံ့သဖြင့် စစ်ဘေးရှောင်ရန် ပြင်ဆင်နေစဉ် ဖမ်းဆီးခံခဲ့ရခြင်းဖြစ်ကြောင်း သိရသည်။
ထို့အပြင် ကျေးရွာအတွင်းသို့ ပစ္စည်းပြန်သယ်သည့် ထီဗွာကျေးရွာသားတဦးမှာလည်း စစ်ဘေးရှောင် ရာနေရာသို့ ပြန်မရောက်လာပဲ ပျောက်ဆုံးနေသည်မှာ ၂ ရက်ရှိပြီဖြစ်ကြောင်း PNLA သတင်းနှင့် ပြန် ကြားရေးဌာနက ထုတ်ပြန်ထားသည်။
D Day News
