သံလွင်မြန်မာသတင်း
ဩဂုတ်လ ၁၃
တနင်္သာရီတိုင်း၊ တနင်္သာရီမြို့နယ် ၊ တမုတ်ချုံးကျေးရွာကို ဝင်ရောက်လာသော စစ်တပ်စစ်ကြောင်း ကို တိုက်ခိုက်ခဲ့ရာ စစ်သား ၆ ဦးသေဆုံးခဲ့ကြောင်း တနင်္သာရီမြို့နယ် ပကဖကသတင်းထုတ်ပြန် သည်။
ဩဂုတ်လ ၁၀ ရက် နံနက် ၉ နာရီ ၃၁ မိနစ်က တနင်္သာရီမြို့နယ်၊ တမုတ်ချုံးကျေးရွာ၌ ခြေကုပ်ယူ ရန် ဝင်ရောက်လာသော အကြမ်းဖက်စစ်တပ် စစ်ကြောင်းကို ပြည်သူ့ကာကွယ်ရေးတပ်ဖွဲ့ဝင်များက တိုက်ခိုက်ခဲ့ရာ အပြန်အလှန် ပစ်ခတ်တိုက်ပွဲ မွန်းလွဲ ၂ နာရီ ၄၆ မိနစ်အထိ ကြာခြင်းမြင့်ခဲ့ကြောင်း သိရသည်။
ယင်းတိုက်ပွဲအတွင်း အကြမ်းဖက်စစ်ကောင်စီ တပ်သား ၆ ဦးသေဆုံးပြီး ၁၅ ဦးထက်မနည်း ထိခိုက် ဒဏ်ရာရရှိခဲ့ကာ အကြမ်းဖက်စစ်တပ် စစ်ကြောင်းမှာ ပြန်လည်ဆုတ်ခွာသွားကြောင်း သိရသည်။
ယင်းအကြမ်း ဖက်စစ်တပ် စစ်ကြောင်းသည် လယ်တောင်ရွာရှိ စစ်ကူစစ်ကြောင်းနှင့် ပေါင်းမိသွားပြီး ထပ်မံ စစ်ကြောင်းထိုးလာသဖြင့် ဆက်လက် တိုက်ပွဲဖြစ်ကာ ညနေ ၄ နာရီတွင် တိုက်ပွဲပြီးဆုံးခဲ့ ကြောင်း သိရသည်။
အဆိုပါတိုက်ခိုက်မှုကို တနင်္သာရီမြို့နယ် ပကဖ၊ မြိတ်ခရိုင်အမှတ် ၂ တပ်ရင်း တပ်ခွဲ ၂ ၊ တပ်ခွဲ ၃ တို့ ပူးပေါင်းကာ တိုက်ခိုက်ခဲ့ခြင်းဖြစ်ပြီး တော်လှန်ရေးတပ်ဖွဲ့ဝင် ၁ ဦး မြင့်မြတ်စွာကျဆုံးကာ ၂ ဦး ဒဏ် ရာရရှိခဲ့ကြောင်း သိရသည်။
Thanlwin Myanmar Media
