သီပေါမြို့ကို စစ်ကောင်စီတပ်က လေကြောင်းဖြင့် ဗုံးကြဲတိုက်ခိုက်မှုကြောင့် စာသင်ကျောင်း ဆောင်များ ထိခိုက်ပျက်စီး
သံလွင်မြန်မာသတင်း
ဇူလိုင်လ ၂၀
ရှမ်းပြည်နယ်မြောက်ပိုင်း၊ TNLA ထိန်းချုပ်ထားသော သီပေါမြို့ကို အကြမ်းဖက်စစ်ကောင်စီတပ်က လေကြောင်းဖြင့် ဗုံးကြဲတိုက်ခိုက်ခဲ့ရာ စာသင်ကျောင်းဆောင်များ ထိခိုက်ပျက်စီးခဲ့ကြောင်း TNL သတင်းနှင့် ပြန်ကြားရေးဌာနထံက သိရသည်။
ယမန်နေ့ ဇူလိုင်လ ၁၉ ရက် ည ၁၁ နာရီ ၄၅ မိနစ်က တအာင်းပြည်၊ တပ်မဟာ ၂ နယ်မြေ၊ သီပေါ မြို့၊ ဇာတ်စုရပ်ကွက်နှင့် ရွှေကျောင်းရပ်ကွက်တို့ကို အကြမ်းဖက် စစ်ကောင်စီတပ်က ဂျက်ဖိုက်တာ ဖြင့် ပေါင် ၂၅၀ ဗုံးသီး ၃ လုံးကြဲချတိုက်ခိုက်ခဲ့ရာ အမက ၁ စာသင်ကျောင်းများ ထိခိုက်ပျက်စီးခဲ့ ကြောင်း သိရသည်။
ပြီးခဲ့သည့် ဇူလိုင်လ ၄ ရက်နေ့က ၁ ကြိမ်၊ ဇူလိုင်လ ၁၄ ရက်နေ့က ၁ ကြိမ် ၊ အကြမ်းဖက် စစ် ကောင်စီ တပ်က သီပေါမြို့ကို လေကြောင်းဖြင့် ပြည်သူလူထု တည်ရှိရာကို ဦးတည်၍ လေကြောင်း ဖြင့် ဗုံးကြဲတိုက်ခိုက်ခဲ့ရာ ပြည်သူ ၂ ဦးသေဆုံးပြီး ၅ ဦး ဒဏ်ရာရှိကာ နေအိမ် ၁၃ လုံး၊ အဆောက် အအုံ ၆ လုံး ထိခိုက်ပျက်စီးခဲ့ကြောင်း သိရသည်။
ထိုကြောင့် မိဘပြည်သူများအနေဖြင့်စစ်ကောင်စီတပ်၏တိုက်ခိုက်မှုများရှောင် ရှားနိုင်ရန် စစ်ရေး သတိ အမြဲရှိရန် လိုအပ်ပြီး လေကြောင်းရန်မှကာကွယ်နိုင်ရန် လေကြောင်းရန် ကာကွယ်ရေး ဆိုင် ရာနည်းလမ်းများလိုက်နာဆောင် ရွက်ရန်လိုအပ်ပါကြောင်း TNLA သတင်းနှင့်ပြန်ကြားရေးဌာနက ထုတ်ပြန်ထားသည်။
Thanlwin Myanmar Media
