အညာဒေသတွင် မောင်းပြန်လက်နက် ၁ လက်လျှင် ၃၅ သိန်းဖြင့် ထောက်ပို့နိုင် (ရုပ်သံ)
သံလွင်မြန်မာသတင်း
ဇူလိုင်လ ၁၇
လက်နက်ဝယ်ယူရေးအတွက် ကုန်ကျစရိမ်များပြားနေသည့် အညာဒေသတွင် လက်နက်တစ်လက် လျှင် ကျပ်ငွေ ၃၅ သိန်းဖြင့် ထောက်ပို့နိုင်ကြောင်း Myingyan Blcak Tiger – MBT တပ်ဖွဲ့ခေါင်း ဆောင် ဗိုလ်မိုက်ခဲ ပြောကြားသည်။
ဇူလိုင်လ ၈ ရက်နေ့က ချေမှုန်းရေး မောင်းပြန်ရိုင်ဖယ် BT -16 ကို အောင်မြင်စွာထုတ်လုပ်ထားနိုင်ပြီး လက်နက် တစ်လက်လျှင် ငွေကျပ် ၃၅ သိန်းသာ ကုန်ကျကြောင်း ၊ မောင်းပြန်လက်နက် ၁ လက် လျှင် ငွေကျပ် သိန်း ၂၀၀ ကျော်ပေးကာ ဝယ်ယူနေရသည့် အညာဒေသရှိ ပြည်သူ့ကာကွယ်ရေးတပ် ဖွဲ့ဝင်များအတွက် အောင်မြင်မှုတစ်ခုဖြစ်ကြောင်း သိရသည်။
“ဒီသေနတ်တစ်လက်ကို အညာဒေသမှာ ဝယ်မယ်ဆိုရင် သိန်း ၂၀၀ ကျော်ပေးရပါတယ်၊ ဒီ BT -16 ကတော့ ၃၅ သိန်းပဲ ကျင်သင့်ပါတယ်၊ ဘာပဲဖြစ်ဖြစ် ရာခိုင်နှုန်းအားဖြင့် တွက်လိုက်မယ်ဆိုရင် ၆ လက် ၁ လက်စာလောက်ကျပါတယ်၊ အဲဒီတော့ အညာဒေသမှာ မောင်းပြန်သေနတ်တွေ များများ ကိုင်နိုင်ဖို့ ဒီ BT -16 ကို ပါဝင်ထောက်ပံ့ပေးကြဖို့ မိဘပြည်သူတွေကို မေတ္တာရပ်ခံချင်ပါတယ်၊ ဘာပဲ ဖြစ်ဖြစ် ထောက်ပို့ပဲ လုပ်ရတယ်ဆိုပြီး အားငယ်စရာမလိုဘူး။ ငါကိုယ်တိုင် ထောက်ပို့ထားတဲ့ ဂန်းနဲ့ ကျားမဲ့တွေနဲ့အတူ မြို့သိမ်းတိုက်ပွဲတွေမှာ ပူးပေါင်းပါဝင်တိုက်ခိုက်နေတယ်ဆိုတဲ့ ခံစားချက်ရစေချင် ပါတယ်၊ အဲဒါကြောင့် BT- 16 ကို ပါဝင်ထောက်ပံ့ပေးစေချင်ပါတယ်၊ ကျားမဲတွေရဲ့ “ကျားမဲဟိန်းသံ မြို့သို့ညံ” ကမ်ပိန်းမှာလည်း ပူးပေါင်းပါဝင်ပေးဖို့ မေတ္တာရပ်ခံချင်ပါတယ်” ဟု Myingyan Blcak Tiger – MBT တပ်ဖွဲ့ခေါင်း ဆောင် ဗိုလ်မိုက်ခဲ ပြောကြားသည်။
အဆိုပါ လက်နက်ထုတ်လုပ်မှုကို Myingyan Blcak Tiger – MBT တပ်ဖွဲ့နှင့် Rpyal Brother Defence Force – RBDF တပ်ဖွဲ့တို့ ပူးပေါင်းကာ ထုတ်လုပ်ထားခြင်းဖြစ်ပြီး BT-16 ဟု အမည်ပေး ထားခြင်းဖြစ်ကြောင်း သိရသည်။
ယင်းလက်နက်များကို လက်ရှိ ရှေ့တန်းစစ်မြေပြင် တိုက်ပွဲများတွင် အသုံးပြုနေပြီဖြစ်ပြီး ပါဝင် ထောက်ပံ့ပေးထားသည့် အလှူရှင်၏ အမည်ကို ယင်းလက်နက်တွင် ကမ္ဗည်းရေးထိုးပေးကာ တော် လှန်ရေးတပ်ဖွဲ့ဝင်များနှင့်အတူ ထောက်ပို့ပြည်သူများလည်း ပါဝင်နိုင်စေရန် စီစဉ်ထားကြောင်း သိရသည်။
Thanlwin Myanmar Media
