ထိုင်း-မြန်မာနယ်စပ်ရှိ နတ်အိမ်တောင်စခန်းသို့ အင်အားဖြည့်တင်းရန် ထွက်လာသော စစ်တပ် စစ် ကြောင်းကို ၄ ရက်ကြာ တိုက်ခိုက်မှု ဗိုလ်မှူးဘိုဟိန်းအပါအဝင် ၄ ဦးထက်မနည်းသေဆုံးပြီး ၄ ဦးကို လက်နက်ခဲယမ်း ၁၁ လက်နှင့်အတူ အရှင်ဖမ်းမိ
သံလွင်မြန်မာသတင်း
ဇူလိုင်လ ၁၇
တနင်္သာရီတိုင်း၊ ထားဝယ်ခရိုင်၊ ရေဖြူမြို့နယ်၊ ကလိမ်အောင်မြို့အရှေ့ခြမ်း ထိုင်း-မြန်မာနယ်စပ်ရှိ နတ်အိမ်တောင်စခန်းသို့ အင်အားဖြည့်တင်းရန် ထွက်လာသော စစ်တပ်စစ်ကြောင်းကို ၄ ရက်ကြာ တိုက်ခိုက်ခဲ့ရာ ဗိုလ်မှူး ဘိုဟိန်းအပါအဝင် ၄ ဦးထက်မနည်းသေဆုံးပြီး ၄ ဦးကို လက်နက်ခဲယမ်း ၁၁ လက်နှင့်အတူ အရှင်ဖမ်းမိခဲ့ကြောင်း ရေးပြောက်ကျားတပ်ဖွဲ့ထံမှ သိရသည်။
ဇူလိုင်လ ၁၁ ၊ ၁၂ ၊ ၁၄ ၊ ၁၅ ရက်နေ့တို့တွင် ရေဖြူမြို့နယ် ၊ ကလိန်အောင်မြို့အရှေ့ဘက်ခြမ်း ထိုင်း- မြန်မာ နယ်စပ်ရှိ နတ်အိမ်တောင်စခန်းသို့ အင်အားဖြည့်တင်းရန်စစ်ကြောင်းထိုးလာသော စစ်ကောင် စီ၏ ကမ်းရိုးတန်းစစ်ဌာနချုပ်လက်အောက်ခံ ခလရ -၂၈၂၊ ခလရ – ၂၇၃ ၊ ခမရ- ၄၀၈ ၊ ခမရ- ၄၀၉၊ ခမရ -၄၁၀ တပ်ရင်းတို့ပါ ပူးပေါင်းစစ်ကြေင်ားကို တော်လှန်ရေး ပူးပေါင်းတပ်ဖွဲ့များက တိုက်ခိုက်ခဲ့ ရာ တိုက်ပွဲ ၄ ရက်အတွင်း ၄ ကြိမ် တိုက်ပွဲပြင်းထန်ခဲ့ကြောင်း သိရသည်။
ယင်းတိုက်ပွဲအတွင်း ဗိုလ်မှူး ဘိုဟိန်းအပါအဝင် ၄ ဦးထက်မနည်းသေဆုံးပြီး စစ်ကောင်စီတပ်သား ၄ ဦးကို လက်နက်ငယ် ၉ လက် ၊ RPG ၁ လက် ၊ ၆၀ မမ ၁ လက်၊ ခဲယမ်းများစွာနှင့် အတူ အရှင်ဖမ်းမိခဲ့ ကြောင်း သိရသည်။
အဆိုပါတိုက်ခိုက်မှုကို ဗျူဟာ ၃၃ ၏ ဒေါနစစ်ကြောင်း -၂ ၊ ဒေါနစစ်ကြောင်း – ၃၊ KNLA တပ်မဟာ-၄ ပူးပေါင်းတပ်များ၊ တပ်မဟာ-၆ တပ်ရင်း ၂၇ ပူးပေါင်းတပ်များ၊ NMSP(AD) R.M.A ၊ မွန်ပြည်တော် လှန်ရေးတပ် MSRF ၊ KTLA နှင့် Nonentity Coach လေ့ကျင့်ရေးတပ်ဖွဲ့တို့ ပူးပေါင်းကာ တိုက်ခိုက်ခဲ့ ခြင်းဖြစ်ကြောင်း သိရသည်။
ယင်းတိုက်ပွဲအတွင်း ဖမ်းဆီးရရှိခဲ့သည့် ဒဏ်ရာရရှိနေသော စစ်ကောင်စီတပ်သားများကို ကရင်အမျိုး သားအစည်းအရုံး KNU မှ ကောင်းမွန်စွာ ကျန်းမာရေးစောင့်ရှောက်မှုပေးထားပြီး စစ်သုံ့ပန်း ကျင့်ဝတ်များနှင့်အညီ ထိန်းသိမ်းပေးထားကြောင်း သိရသည်။
Thanlwin Myanmar Media
