ရန်ကုန်-မန္တလေးအမြန်လမ်းမ ပေါ်တွင် ကင်းပုန်းနှင့် စစ်တပ် စစ်ကြောင်းကို တိုက်ခိုက်မှု စစ်သား ၁၀ ဦးသေဆုံး
သံလွင်မြန်မာသတင်း
ဇူလိုင်လ ၁၄
မန္တလေးတိုင်း၊ နွားထိုးကြီးမြို့နယ်၊ ရန်ကုန် -မန္တလေးအမြန်လမ်း မိုင်တိုင်အမှတ် ၃၁၈ တွင် ကင်းပုန်း ဝပ်နေသော စစ်ကောင်စီတပ်သားများကို ဒရုန်းဖြင့် ဗုံးကြဲတိုက်ခိုက်ခဲ့ရာ စစ်သား ၅ ဦးသေဆုံးခဲ့ ကြောင်း မြင်းခြံခရိုင် အမှတ် ၈ တပ်ရင်းက ထုတ်ပြန်သည်။
ဇူလိုင်လ ၈ ရက်နေ့က နွားထိုးကြီးမြို့နယ်၊ ထိမ္ဖလားဘုရားကျောင်း၌ အထိုင်ချတပ်စွဲထားသော စ စ်ကောင်စီတပ်သည် အမြန်လမ်း မိုင်တိုင် ၃၁၈ သို့ လာရောက်၍ ကင်းပုန်းလာဝပ်နေစဉ် ပြည်သူ့ ကာကွယ်ရေးတပ်ဖွဲ့များက Shar Htoo WOW နည်းပညာသုံး Fixed Wing များဖြင့် ဗုံးသီးများ ကျဲချတိုက်ခိုက်ခဲ့ကြောင်း သိရသည်။
ထိုသို့ တိုက်ခိုက်မှုအတွင်း စစ်ကောင်စီတပ်သားများ ကင်းပုန်းဝပ်ရာနေရာသို့ ကျရောက်ပေါက်ကွဲ ပြီး စစ်ကောင်စီတပ်သား ၅ ဦး ထိခိုက်သေဆုံးခဲ့ကြောင်း သိရသည်။
အဆိုပါ တိုက်ခိုက်မှုကို မြင်းခြံခရိုင် အမှတ် ၈ တပ်ရင်း ၊ မိတ္ထီလာခရိုင် အမှတ် ၂ တပ်ရင်းနှင့် မိတ္ထီ လာခရိုင် အမှတ် ၃ တပ်ရင်း တို့ ပူးပေါင်းကာ တိုက်ခိုက်ခဲ့ခြင်းဖြစ်ကြောင်း သိရသည်။
အလားတူ ဇူလိုင်လ ၅ ရက်နေ့ နံနက် ၁၀ နာရီခန့်တွင် မိတ္ထီလာ တပ်နယ်မှ အမြန်လမ်း တလျှောက် နယ်မြေရှင်းလင်းရေးရန် ထွက်လာသော အင်အား ၁၀၀ ခန့်ပါ စစ်တပ် စစ်ကြောင်းကို တော်လှန်ရေး တပ်ဖွဲ့များက မြင်းရှင် (ခ) မြင်းသေရွာအနီး၌ ကြားဖြတ် တိုက်ခိုက်ခဲ့ရာ စစ်သား ၅ ဦး သေဆုံးပြီး ၁၀ ဦး ကျော်ထိခိုက်ဒဏ်ရာရရှိခဲ့ကြောင်း သိရသည်။
တိုက်ပွဲဖြစ်ပွားရာနေရာအား နယ်မြေရှင်းလင်းစဉ် စစ်ကောင်စီတပ်သားများ အသုံးပြုသော 7.62 mm ကျည် ၁၂၈ တောင့်၊ G-3 ကျည်ဘောက် ၁ ခု ၊ ဖုန်း ၁ လုံး၊ Power bank ၁ လုံးနှင့် ပိုက်ဆံ ၃ သိန်း တို့ကို သိမ်းပိုက်ရရှိခဲ့ကြောင်း သိရသည်။
တိုက်ပွဲအတွင်း အထိနာခဲ့သော အကြမ်းဖက် စစ်တပ်က တိုက်ပွဲဖြစ်ပွားရာအနီးကို Mi-35 ဖြင့် ၁ ကြိမ် ၊ ဒရုန်းဖြင့် ၂ ကြိမ် တိုက်ခိုက်မှု ပြုလုပ်ခဲ့ကြောင်း သိရသည်။
အဆိုပါ တိုက်ခိုက်မှုကို မြင်းခြံခရိုင် အမှတ်(၈) တပ်ရင်းနဲ့အတူ မိတ္ထီခရိုင် အမှတ်(၂) တပ်ရင်း၊ မိတ္ထီလာခရိုင် အမှတ်(၃)တပ်ရင်း၊ မလှိုင်မြို့နယ် ပကဖ တို့က ပူးပေါင်း တိုက်ခိုက်ခဲ့ခြင်းဖြစ်ပြီး တော်လှန်ရေး ရဲဘော် ၁ ဦး မစိုးရိမ်ရ ဒဏ်ရာရရှိခဲ့ကြောင်း သိရှိရသည်။
Thanlwin Myanmar Media
