ချောင်းဦးမြို့သို့ ရိက္ခာပို့ပြီးပြန်လာသော စစ်ယာဉ်တန်းနှင့် ကင်းပုန်းဝပ်စစ်သား၊ ပျူများကို ပစ်ခတ် တိုက်ခိုက်မှု ပျူ ၁ ဦးသေဆုံး
သံလွင်မြန်မာသတင်း
ဇူလိုင်လ ၁၃
စစ်ကိုင်းတိုင်း၊ ချောင်းဦးမြို့နယ်၊ ချောင်းဦးမြို့သို့ ရိက္ခာပို့ပြီး ပြန်လာသော စစ်ယာဉ်တန်းနှင့် ကင်း ပုန်းစစ်သား၊ ပျူများကို ပစ်ခတ်တိုက်ခိုက်ခဲ့ရာ ပျူ ၁ ဦးသေဆုံးခဲ့ကြောင်း GOLDEN PEOCOCK ATTACK FORCE ထံမှ သိရသည်။
ဇူလိုင်လ ၁၀ ရက် ည ၇ နာရီ ၃၀ မိနစ်က ချောင်းဦးမြို့အတွင်းသို့ ရိက္ခာပို့ပြီး မုံရွာမြို့ဘက်သို့ ပြန် လာသော သံပြားကာကား ၅ စီး အနက် ၄ စီးမြောက်ကားနှင့် ၅ စီးမြောက် ကားကို ပြည်သူ့ကာကွယ် ရေး ပူးပေါင်းတပ်ဖွဲ့ဝင်များက မုံရွာ – ချောင်းဦး လမ်းပိုင်း တစ်နေရာတွင် အသင့်စောင့်ဆိုင်း၍ လက် နက်ငယ်များဖြင့် ပစ်ခတ်တိုက်ခိုက်ခဲ့ကြောင်း သိရသည်။
ထိုသို့ ပစ်ခတ်တိုက်ခိုက်ရာ မုံရွာ -မန္တလေးလမ်းပေါ်အထိ တက်ရောက်ကာ ပစ်ခတ်ခဲ့ခြင်းဖြစ်ပြီး ကင်းပုန်းဝပ်နေသော စစ်ကောင်စီတပ်သားများနှင့်လည်း အပြန်အလှန် ပစ်ခတ်တိုက်ပွဲဖြစ်ခဲ့ ကြောင်း၊ ယင်းတိုက်ခိုက်မှုများအတွင်း တောပုရွာမှ ပျူစောထီး ၁ ဦးသေဆုံးခဲ့ကြောင်း သိရသည်။
“နောက်ဆက်တွဲအနေနဲ့ တောပုရွာက ပျူတစ်ဦး ပွဲချင်းပြီးသေဆုံးတယ်လို့ အတွင်းသတင်းရထား ပါတယ်၊ ခရီးသွားမိဘပြည်သူတွေအနေနဲ့ စခကားတွေနား ကပ်မလို့မှာချင်ပါတယ်။ အဓိက ကတော့ မုံရွာ -ချောင်းဦးလမ်းပိုင်းမှာ စစ်ရေးတင်းမာနေပြီမို့ပါ၊” ဟု GOLDEN PEOCOCK ATTACK FORCE မှ တာဝန်ရှိသူတစ်ဦးက ပြောကြားသည်။
အဆိုပါ တိုက်ခိုက်မှုများကို GOLDEN PEOCOCK ATTACK FORCE မုံရွာခရိုင်အမှတ် ၂၃ တပ်ရင်း တပ်ခွဲ -၂ ၊ မုံရွာခရိုင်အမှတ် ၁၇ တပ်ရင်း တပ်ခွဲ ၃ ၊ TIGER FIGHTER M_21.2 နှင့် AERA 71 LOCAL PEOPLE DEFENCE FORCE တပ်ဖွဲ့တို့ ပူးပေါင်းကာ တိုက်ခိုက်ခဲ့ခြင်းဖြစ်ပြီး ကျည်အင်အား မလုံ လောက်သောကြောင့် ပြန်လည်ဆုတ်ခွာခဲ့ရခြင်းဖြစ်ကြောင်း၊ ယင်းတိုက်ခိုက်မှုများအတွင်း ပြည်သူ့ ကာကွယ်ရေးတပ်ဖွဲ့ဝင်များ အထိအခိုက်မရှိ ပြန်လည် ဆုတ်ခွာနိုင်ခဲ့ကြောင်း သိရသည်။
Thanlwin Myanmar Media
