မုံရွာမြို့ပေါ်ရှိ ရေဦးဂိတ်စခန်းရှိ ဝင်ရောက်ပစ်ခတ် တိုက်ခိုက်မှု စစ်သား ၄ ဦးအပြင်းအထန်ဒဏ်ရာရ (ရုပ်သံ)
သံလွင်မြန်မာသတင်း
ဇူလိုင်လ ၈
စစ်ကိုင်းတိုင်း၊ မုံရွာမြို့ပေါ်၌ ဆက်ကြေးကောက်နေသော ရေဦးဂိတ်စခန်းရှိ စစ်သားများကို ဝင် ရောက် ပစ်ခတ်တိုက်ခိုက်ခဲ့ရာ စစ်သား ၄ ဦးအပြင်းအထန် ဒဏ်ရာရရှိခဲ့ကြောင်း The Phoenix Army ထံမှသိရသည်။
ယနေ့ ဇူလိုင်လ ၇ ရက် မွန်းလွဲ ၁ နာရီ ၂၇ မိနစ်က မုံရွာမြို့၊ တောင်ရပ်ကွက်ရှိ ရေဦးဆန်ဆိုင်ရှေ့၌ ဂိတ်ဖွင့်ထားပြီး ခရီးသွား ပြည်သူများကို စစ်ဆေးခြင်း၊ လိုင်စစ်ဆေးခြင်း၊ ဆက်ကြေးကောက်ခြင်း များလုပ်ဆောင်နေသည့် အကြမ်းဖက်စစ်သားများကို မီတာ၃၀ ခန့်အကွာအနီးမှ လက်ပစ်မိုင်း၊ လက် နက်ငယ်များဖြင့် ဝင်ရောက်ပစ်ခတ်တိုက်ခိုက်ခဲ့ရာ စစ်သား ၄ ဦးအပြင်းအထန်ဒဏ်ရာရရှိခဲ့ကြောင်း သိရသည်။
“အင်အားက ၃၀ လောက်ရှိတယ်၊ ရေဦးဆန်ဆိုင်နားမှာရှိတဲ့ ဂိတ်မို့ ရေဦးခွေးဂိတ်လို့ခေါ်တာပါ၊ အစ ဦးဆုံးလက်ပစ်မိုင်းနဲ့ ပစ်လိုက်တယ်၊ နောက်တော့ ဂန်းငယ်တွေနဲ့ ဝိုင်းပစ်ခဲ့တာပါ၊ လက်ပစ်မိုင်းပစ် တော့ ၄ ယောက်လဲကျသွားတာတွေ့တယ်၊ စခတွေက အိမ်စီးကားတွေနဲ့ ပြည်သူတွေကို လိုက်လံ စစ်ဆေးနေတာတွေ့ရတယ်။” ဟု The Phoenix Army မှ တာဝန်ရှိသူတစ်ဦးက ပြောကြားသည်။
အဆိုပါ တိုက်ခိုက်မှုကို The Phoenix Army နှင့် ဗန္ဓုလနှင့်အဖွဲ့သားများတပ်ဖွဲ့မှ ရဲဘော်များက တိုက်ခိုက်ခဲ့ခြင်းဖြစ်ပြီး ပြည်သူ့ကာကွယ်ရေးတပ်ဖွဲ့ဝင်များ အထိအခိုက်မရှိ ပြန်လည်ဆုတ်ခွာနိုင်ခဲ့ ကြောင်း သိရသည်။
Thanlwin Myanmar Media
