ပျော်ဘွယ်မြို့နယ်၊ ညောင်ကုန်းရဲစခန်းအနီး ဆက်ကြေးကောက်နေသော စစ်သားများကို တိုက်ခိုက် မှု အရာခံဗိုလ် ၁ ဦးအပါအဝင် ၄ ဦးသေဆုံး
သံလွင်မြန်မာသတင်း
ဇွန်လ ၂၈
မန္တလေးတိုင်း၊ ပျော်ဘွယ်မြို့နယ်၊ ညောင်ကုန်းရဲစခန်းအနီး ဆက်ကြေးကောက်နေသော စစ်သားများ ကိုတိုက်ခိုက်ခဲ့ရာ အရာခံဗိုလ် ၁ ဦးအပါအဝင် ၄ ဦးသေဆုံးခဲ့ကြောင်းAung San’s Land Natmauk – အောင်ဆန်းမြေအဖွဲ့ထံမှ သိရသည်။
ဇွန်လ ၂၆ ရက်နံနက် ၈ နာရီခန့်က ပျော်ဘွယ်မြို့နယ် ၊ ညောင်ကုန်းရဲစခန်းအနီးတွင် ဆက်ကြေး ကောက်ခံနေသော စစ်ကောင်စီဂိတ်ရှိ စစ်သား၊ ရဲ၊ ပျူစောထီး ၆ ကို ပြည်သူ့ကာကွယ် ရေးတပ်ဖွဲ့ဝင် များက ဝင်ရောက်တိုက်ခိုက်ခဲ့ရာ အရာခံ ဗိုလ် ၁ ဦးအပါအဝင် စစ်သား ၄ ဦးသေဆုံးပြီး ကျန် ရဲတစ် ဦး၊ ပျူစောထီး ၁ ဦး တို့ထွက်ပြေးလွတ်မြောက်သွားကြောင်း သိရသည်။
ယင်းတိုက်ခိုက်မှုအတွင်း MA1 အမျိုးအစား သေနတ် ၃ လက် (၁ လက်ပျက်စီး)၊ ၅ ဒသမ ၅၆ ကျည် ၆၄ တောင့်၊ ခရီးသွားပြည်သူများထံမှ အတင်းဓမ္မဆက်ကြေးကောက်ခံငွေ ၁၈၀၅၀၀ ကျပ် နှင့် ဖုန်း ၂ တို့ကို သိမ်း ဆည်းရရှိခဲ့ကြောင်း သိရသည်။
“မနက် ၈ နာရီလောက်ဝင်တိုက်တာ၊ ရဲစခန်းနဲ့ နီးကပ်နေတာမို့ ၅ မိနစ် အတွင်း ၃ မိနစ်နဲ့ ပွဲ အပြီး အောင်မြင်အောင် ကနိုင်ခဲ့တာပါ။ စစ်ကူက ဘေး ၂ ဖက်က ရဲတွေရှိတယ်၊ ၅ မိနစ်လောက်ခရီးကို ၁ နာရီလောက်ကြာမှ ရောက်လာတာ၊ ကျနော်တို့က Local PDF ဖြစ်နေလို့ ပြည်သူတွေရဲ့ ထောက်ပံ့ မှုနဲ့ မစ်ရှင်ဖော်ဆောင်နေတာဖြစ်ပါတယ်။ ပြည်သူတွေ ဒီထက်ပိုမိုဖြည့်ပေးနိုင်မယ်ဆိုရင် ဒီထက်ပို လှတဲ့ ပွဲတွေ ကပေးနိုင်ပါတယ်။” ဟု Aung San’s Land Natmauk – အောင်ဆန်းမြေအဖွဲ့မှ တာဝန် ရှိ သူတစ်ဦးက ပြောကြားသည်။
အဆိုပါ တိုက်ခိုက်မှုကို Aung San’s Land Natmauk အောင်ဆန်းမြေအဖွဲ့မှ ခြေလျင် ဝင်ရောက် တိုက်ခိုက်ခဲ့ခြင်းဖြစ်ပြီး ပြည်သူ့ကာကွယ်ရေးတပ်ဖွဲ့ဝင်များ အထိအခိုက်မရှိ ပြန်လည်ဆုတ်ခွာနိုင်ခဲ့ ကြောင်း ၊ နတ်မောက်မြို့နယ်အတွင်းရှိ စစ်သား၊ ရဲ၊ ပျူစောထီးများအနေဖြင့် အလင်းဝင် ရောက်ကြ ရန် တိုက်တွန်းထားသည်။
Thanlwin Myanmar Media
