ကျောက်တံခါးမြို့နယ်၊ ဘုရားကြီးကုန်းကျေးရွာ၌ အထိုင်ချထားသော စစ်တပ်စခန်းကို တိုက်ခိုက် သိမ်းပိုက်မှု စစ်သား ၄ ဦးသေဆုံးပြီး လက်နက်ခဲယမ်းများ သိမ်းဆည်းရရှိ
သံလွင်မြန်မာသတင်း
ဇွန်လ ၂၆
ပဲခူးတိုင်း၊ ကျောက်တံခါးမြို့နယ်၊ ဘုရားကြီးကုန်းကျေးရွာ၌ အထိုင်ချထားသော စစ်တပ်စခန်းကို တိုက်ခိုက်သိမ်းပိုက်ခဲ့ရာ စစ်သား ၄ ဦးသေဆုံးပြီး လက်နက်ခဲယမ်းများ သိမ်းဆည်းရရှိခဲ့ကြောင်း ပဲခူး ခရိုင်အမှတ် ၂ တပ်ရင်း – P3702 ထံမှ သိရသည်။
ယမန်နေ့ ဇွန်လ ၂၅ ရက် နံနက် ၁ နာရီခန့်က ကျောက်တံခါးမြို့နယ် ဘုရားကြီးကုန်းကျေးရွာ၌ အင်အား ၄၀ ခန့်ဖြင့် အထိုင်ချတပ်စွဲထားသော စစ်တပ်စခန်းကို တော်လှန်ရေးပူးပေါင်းတပ်ဖွဲ့များက ဝင်ရောက်တိုက်ခိုက်ခဲ့ရာ နံနက် ၁ နာရီ ၄၀ မိနစ်အချိန်တွင် အပြီးသတ်သိမ်းပိုက်ရရှိခဲ့ပြီး စစ်သား ၄ ဦး သေဆုံးကာ ကျန်စစ်သားများမှ စခန်းစွန့်ခွာထွက်ပြေးသွားကြောင်း သိရသည်။
ထို့ကြောင့် စခန်းအတွင်းရှိ လက်နက်ခဲယမ်းများ ၊ အခြားစစ်ဘက်အသုံးအဆောင်ပစ္စည်းများ သိမ်း ဆည်းကာ တော်လှန်ရေးတပ်ဖွဲ့ဝင်များ အကျအဆုံးမရှိ ပြန်လည်ဆုတ်ခွာနိုင်ခဲ့ကြောင်း သိရသည်။
အဆိုပါ တိုက်ခိုက်မှုကို ပဲခူးခရိုင် အမှတ် ၂ တပ်ရင်း P 3702 နှင့် KNLA တပ်ရင်း ၉ တို့ ပူးပေါင်း ကာ တိုက်ခိုက်သိမ်းပိုက်ခဲ့ခြင်းဖြစ်ပြီး တော်လှန်ရေး ရဲဘော် ၂ ဦး ထိခိုက်ဒဏ်ရာရရှိခဲ့ကြောင်း သိရသည်။
Thanlwin Myanmar Media
