နောင်ချိုမြို့နယ်အတွင်း နေရာ ၃ နေရာ၌ စစ်ကောင်စီတပ်နှင့် တအာင်းတပ်မတော်-TNLAတို့ တိုက် ပွဲဖြစ်
သံလွင်မြန်မာသတင်း
ဇွန်လ ၁၄
ရှမ်းပြည်နယ်မြောက်ပိုင်း၊ တအာင်းပြည်၊ တပ်မဟာ ၃ နယ်မြေ၊ နောင်ချိုမြို့နယ်အတွင်း နေရာ ၃ နေရာ၌ စစ်ကောင်စီတပ်နှင့် တအာင်း တပ်မတော်-TNLAတို့ တိုက်ပွဲများ ဆက်လက်ဖြစ်ပွားနေ ကြောင်း TNLA သတင်းနှင့်ပြန်ကြားရေး ဌာန က ထုတ်ပြန်သည်။
ယမန်နေ့ မွန်းတည့် ၁၂ နာရီ ၂၀ မိနစ်က နောင်ချိုမြို့နယ်၊ ရွှေသွန်းကျေးရွာတွင် စစ်ကောင်စီတပ်နှင့် တအာင်းတပ်မတော်-TNLAတို့ တိုက်ပွဲထပ်မံဖြစ် ခဲ့ပြီး စစ်ကောင်စီတပ်က လက်နက်ကြီး ၃၅ လုံးနှင့် ဒရုန်းဖြင့် ဗုံးသီး ၁၂ လုံး ပစ်ကူ ပေး တိုက်ခိုက်ခဲ့ကြောင်း သိရသည်။
အလားတူ နောင်ချိုမြို့နယ်၊ ပိန္နဲကုန်းနှင့် ညောင်တောကျေးရွာဘက်တွင်လည်း စစ်ကောင်စီတပ်နှင့် တအာင်းတပ်မတော်-TNLAတို့ တိုက်ပွဲဖြစ်ပွားခဲ့ပြီး ၎င်းတိုက်ပွဲအတွင်း စစ်ကောင်စီတပ်က လက် နက်ကြီး ၄၁ လုံးနှင့် ဒရုန်းဖြင့် ဗုံးသီး ၇ လုံး ပစ်ကူပေး တိုက်ခိုက်ခဲ့ကြောင်း သိရသည်။
ဇွန်လ ၁၂ ရက်နေ့လည်း နောင်ချိုမြို့နယ် ၊ ကန်ကြီးကျေးရွာဘက်တွင် တိုက်ပွဲဖြစ်ခဲ့ပြီး စစ်ကောင်စီ တပ်က လက်နက်ကြီး အလုံး ၅၀ နှင့် ဒရုန်းဖြင့် ဗုံးသီး ၁၅ လုံးတို့ကို ပစ်ကူခဲ့တိုက်ခိုက်ခဲ့ကြောင်း သိရသည်။
ညီနောင်မဟာမိတ် ၃ ဖွဲ့မှ ငလျင်ဒဏ်သင့်ပြည်သူများနှင့် လူသားချင်းစာနာထောက်ထားရေး လုပ်ငန်းများ ဆက်လက်ဆောင်ရွက်နိုင်ရေးအတွက် တိုက်ပွဲဖြစ်ပွားလျက်ရှိသောနေရာများတွင် ထိုးစစ်ဆင်များ ပြုလုပ်မည်မဟုတ်ဘဲ တစ်ဖက်သတ် အပစ်ရပ်ကာလအား နောက်ထပ် ၁ လ သက်တမ်းထပ်တိုးထားနေစဉ် စစ်ကောင်စီတပ်မှ အခွင့်ကောင်းယူပြီး အဆက်မပြတ်ထိုးစစ်ဆင် နေသောကြောင့် နောင်ချိုမြို့နယ်အတွင်း၌ တိုက်ပွဲများ မကြာခဏဖြစ်ပွားလျက်ရှိကြောင်း အသိ ပေးထားသည်။
ထိုကြောင့် မိဘပြည်သူများအနေဖြင့် စစ်ကောင်စီ၏ ဗုံးကြဲတိုက်ခိုက်မှုများ ရှောင်ရှားနိုင်ရန် စစ်ရေး သတိအမြဲရှိ ရန်လိုအပ်ပြီး လေကြောင်းရန်မှ ကာကွယ်နိုင်ရန် လေကြောင်းရန်ကာကွယ်ရေးဆိုင်ရာ နည်းလမ်းများလိုက်နာ ဆောင်ရွက်ရန်လိုအပ်ပါကြောင်း TNLA သတင်းနှင့်ပြန်ကြားရေးဌာနက ထုတ်ပြန်ထားသည်။
Thanlwin Myanmar Media
