မုံရွာမြို့နယ်၊တောင်ပလူရွာသို့ ရိက္ခာလာပို့သည့် စစ်ကြောင်းကို ကြားဖြတ်တိုက်ခိုက်မှု စစ်သား ၆ ဦး သေဆုံး၊ လေကြောင်းပစ်ကူကြောင့် လက်နက်မကောက်နိုင်ပဲ ပြန်ဆုတ်ခဲ့ရ (ရုပ်သံ)
D Day News
ဧပြီလ ၂၉
စစ်ကိုင်းတိုင်း၊ မုံရွာမြို့နယ်၊ တောင်ပလူရွာသို့ ရိက္ခာလာပို့သည့် စစ်ကြောင်းကို ကြားဖြတ်တိုက်ခိုက် ခဲ့ရာ အကြမ်းဖက် စစ်သား ၆ ဦးသေဆုံးခဲ့ကြောင်း Mahura People Defence Force -MHRPDF တပ်ဖွဲ့ထံမှ သိရသည်။
ယမန်နေ့ ဧပြီလ ၂၈ ရက်နေ့က အင်အား ၁၅ ဦးခန့်ဖြင့် မုံရွာမြို့နယ် ၊ တောင်ပလူရွာသို့ ရိက္ခာပို့ရန် သယ်ဆောင်လာသည့် အကြမ်းဖက်စစ်သားများကို ကြားဖြတ်တိုက်ခိုက်ခဲ့ရာ အကြမ်းဖက်စစ်သား ၆ ဦး သေဆုံးခဲ့ကြောင်း သိရသည်။
https://youtu.be/5ROBR3BmFQA
ထိုသို့ တိုက်ခိုက်မှုကြောင့် သေဆုံးသွားသော အကြမ်းဖက်စစ်များ အသုံးပြုသည့် လက်နက်၊ ခဲယမ်း များကို ကောက်ယူရန် လုပ်ဆောင်ခဲ့သော်လည်း မုံရွာမြို့မှ တက်လာသော လေကြောင်း ပစ်ကူ ရောက်ရှိလာသဖြင့် ကောက်ယူနိုင်ခြင်းမရှိပဲ ပြန်လည် ဆုတ်ခွာခဲ့ရကြောင်း သိရသည်။
အဆိုပါ တိုက်ခိုက်မှုကို မုံရွာခရိုင်အမှတ် ၁ တပ်ရင်း (BLDF)၊ မုံရွာခရိုင်အမှတ် ၂၅ တပ်ရင်း၊ တပ်ခွဲ ၁၊ တပ် ခွဲ ၂ ၊ တပ်ခွဲ ၄ ၊ တပ်ခွဲ ၅ MHRPDF ၊ ပကဖ နှင့် LPDF တပ်ဖွဲ့တို့ ပူးပေါင်းကာ တိုက်ခိုက်ခဲ့ခြင်း ဖြစ်ကြောင်း သိရသည်။
D Day News
