ဖရဲခင်းက သမီးဇာနည်
ပျိုးကြဲလက်
နန်းမြေမှာ ပန်းကြွေကျသမို့
နွမ်းခွေရ ဖြစ်ပုံ ။
အာဏာ့ရှင် ကျွန်ဖြစ်က
နွံနစ်ရတုံ ။
ရှေ့ဆက်ဖို့ မလုံခြုံ
အဘယ်ပုံ နေထိုင်ရင်း ။
နန်းမြေမှာ ပန်းကြွေဘဝရယ်
မွှေးရနံ့သင်း ။
ကျွန်ခံရာ လူရည်သန့်မို့
ကျွန်ညီနံ့ နံသလေ ။
တော်လှန်ရာ ကိုယ်စီထလို့
ကူညီကြစေ ။
တပ်ရဲနဲ့ ဌာနအထွေထွေ
အိမ်သူတွေ ညီစေသား ။
သတင်းနဲ့ အချက်အလက်ကို
ဆက်ဆက်ပို့ထား ။
နန်းမြေမှာ ပေါက်တဲ့ဖရဲက
စွဲမက်ဖွယ့် ချိုသကို ။
မိသားစုတွေ ရှင်သန်ရေး
မျှော်တွေးပါ့ဆို ။
သူပုန်တပ်က လျှို့ဝှက်လို
တော်လှန်မြေကို သတင်းပေး ။
ပြည်သူကို လူ့စိတ်ရင်းနဲ့
မင်းကူဖို့တွေး ။
မယ့်ချစ်လင် ကိုကိုနန်းက
ဝန်ထမ်းမို့ မလွတ်လပ်ပေါင် ။
အိမ်ပြန်ချိန် မာယာနှောပေါ့
သတင်းပြောအောင် ။
ပြည်ထောင်တပ်ရဲ့ ဝန်ထမ်းဆောင်
လူမွေးလူတောင် ပြောင်သေး ။
ကိုယ့်သမိုင်းကို ဖရဲခင်းမှာ
မင်းကိုယ်တိုင်ရေး ။ ။
ပျိုးကြဲလက်
ကဗျာရေးသားချိန် = ၂၀၂၅ ခုနှစ်၊ မေလ ၇ ရက် ညနေ ၅ နာရီ ၂၇ မိနစ်
Thanlwin Myanmar Media
