လှည်းကူးမြို့နယ်အခြေစိုက် ခမရ ၂၁၁ တပ်ရင်းဂိတ်စခန်းကို လက်ပစ်ဗုံးဖြင့် ပစ်ခတ်တိုက်ခိုက်
သံလွင်မြန်မာသတင်းဗ
မေလ ၁၁
ရန်ကုန်တိုင်း၊ လှည်းကူးမြို့နယ်အခြေစိုက် ခမရ ၂၁၁ တပ်ရင်း ဂိတ်စခန်းကို လက်ပစ်ဗုံးဖြင့် ပစ်ခတ် ဖောက်ခွဲတိုက်ခိုက်ခဲ့ရာ ထိခိုက်သေဆုံးမှုရှိနိုင်ကြောင်း Yangon Army (YA) က ထုတ်ပြန်သည်။
ယမန်နေ့ မေလ ၁၀ ရက် ညနေ ၆ နာရီ ၄၀ မိနစ်က လှည်းကူးမြို့နယ်အတွင်း အခြေစိုက်ထားသည့် အကြမ်းဖက်စစ်ကောင်စီလက်အောက်ခံ ခမရ ၂၁၁ တပ်ရင်းဂိတ်စခန်းအတွင်းသို့ Yangon Army – YA အဖွဲ့မှ မြို့ပြပြောက်ကျား ရဲဘော်များက လမ်းကြုံအခွင့်အရေးရသဖြင့် လက်ပစ်ဗုံး ၁ လုံးဖြင့် ပစ် ခတ်ဖောက်ခွဲတိုက်ခိုက်ခဲ့ရာ ထိထိရောက်ရောက် ကျရောက်ပေါက်ကွဲခဲ့ကြောင်း သိရသည်။
ထိုသို့ ကျရောက်ပေါက်ကွဲမှုကြောင့် ဂိတ်စခန်းအတွင်းရှိ စစ်ကောင်စီတပ်သားများ ထိခိုက်သေဆုံးမှုရှိ နိုင်ပြီး အတိအကျသိရှိနိုင်ရန် စုံစမ်းနေဆဲဖြစ်ကြောင်း သိရသည်။
ဆက်လက်၍ အကြမ်းဖက်စစ်ကောင်စီနှင့် စစ်ကောင်စီထောက်တိုင်များကို တိုက်ခိုက်ချေမှုန်းသွား မည်ဖြစ်ပြီး မိဘပြည်သူများအနေဖြင့် စစ်ကောင်စီတပ်သား၊ ရဲ ၊ ပျူများအနီးသွားလာနေထိုင်ခြင်း မပြုကြပါရန် တိုက်တွန်းထားသည်။
Thanlwin Myanmar Media
