ကနီမြို့နယ်တွင် တိုက်ပွဲဖြစ်ပွားခြင်းမရှိပဲ စစ်ကောင်စီတပ်က လေကြောင်းဖြင့် ဗုံးကျဲတိုက်ခိုက်မှု နေအိမ်၊ အဆောက်အအုံများ ထိခိုက်ပျက်စီး
သံလွင်မြန်မာသတင်း
မေလ ၁၀
စစ်ကိုင်းတိုင်း ၊ ကနီမြို့နယ်တွင် တိုက်ပွဲဖြစ်ပွားခြင်းမရှိပဲ စစ်ကောင်စီတပ်က လေကြောင်းဖြင့် ဗုံးကျဲ တိုက်ခိုက်ခဲ့ရာ နေအိမ်၊ အဆောက်အအုံများ ထိခိုက်ပျက်စီးခဲ့ကြောင်း ဒေသသတင်းရင်းမြစ်များ ထံက သိရသည်။
ယမန်နေ့ မေလ ၉ ရက်နေ့က ကနီမြို့နယ်၊ ဆူးလေကုန်းကျေးအတွင်းသို့ အကြမ်းဖက်စစ်ကောင်စီ ၏ မိတ္ထီလာ၊ ရှမ်းတဲလေးလေတပ်မှ တက် လာသော ဂျက်ဖိုက်တာ ၂ စီးဖြင့် မွန်းလွဲ ၃ နာရီ ၄၈ မိနစ် တွင် တစ်ကြိမ်၊ ၃ နာရီ ၄၉ မိနစ် တစ်ကြိမ်၊ ၃ နာရီ ၅၈ မိနစ် တစ်ကြိမ်နှင့် ၃ နာရီ ၅၉ မိနစ်တွင် တစ် ကြိမ် စုစုပေါင်း ၄ ကြိမ်ဗုံးကျဲတိုက်ခိုက်ခဲ့ကြောင်း သိရသည်။
ထိုသို့ ဗုံးကျဲတိုက်ခိုက်မှုအတွင်း ပြည်သူများ၏ နေအိမ်၊ ဈေးဆိုင်များ ထိခိုက်ပျက်စီးခဲ့ကာ လူထိခိုက် မှုမရှိကြောင်း ကနီမြို့နယ်သတင်းနှင့်ပြန်ကြားရေးဌာနက ထုတ်ပြန်ထားသည်။
Thanlwin Myanmar Media
မှတ်ချက်များ ပေးခဲ့နိုင်ပါတယ်...
