ဆောမြို့နယ်၊ ကျောက်ထုဒေသကို စစ်ကောင်စီတပ်က လေကြောင်းဖြင့် ဗုံးကြဲတိုက်ခိုက်၊ ကျေးရွာ ၁၀ ထက်မနည်း ထွက်ပြေးတိမ်းရှောင်နေရ
သံလွင်မြန်မာသတင်း
မေလ ၁၀
မကွေးတိုင်း၊ ဂန့်ဂေါခရိုင်၊ ဆောမြို့နယ် ကျောက်ထုဒေသကို အကြမ်းဖက်စစ်ကောင်စီ တပ်က လေ ကြောင်းဖြင့် ဗုံးကျဲတိုက်ခိုက်မှုကြောင့် ကျေးရွာ ၁၀ ရွာထက်မနည်း တိမ်းရှောင်နေကြရကြောင်း ယောအလင်းတန်းထံမှ သိရသည်။
ယမန်နေ့ မေလ ၉ ရက်နေ့တွင် ဆောမြို့နယ်၊ ကျောက်ထုဒေသကို အကြမ်းဖက်စစ်ကောင်စီ၏ တံ တားဦး လေတပ်မှ တက်လာသော Y12 လေယာဉ်တစ်စီးဖြင့် နံနက် ၆ နာရီ ၂၀ မိနစ်တွင် ဗုံးသီး ၃ လုံး၊ နံနက် ၆ နာရီ ၂၂ မိနစ်တွင် ဗုံးသီး ၃ လုံး ၊ နံနက် ၆ နာရီ ၂၇ မိနစ်တွင် ဗုံးသီး ၃ လုံး၊ နံနက် ၆ နာရီ ၃၀ မိနစ်တွင် ဗုံးသီး ၃ လုံး ကျဲချတိုက်ခိုက်ခဲ့ကြောင်း သိရသည်။
“ထိခိုက်ပျက်စီးမှုအခြေအနေက မသိရသေးပါဘူး။ စကစ က နေ့တိုင်းဗုံးကျဲနေတာ၊ ပြည်သူတွေ အနေနဲ့ အစစအရာရာ ဂရုစိုက်ပေးဖို့ပြောချင်ပါတယ်” ဟု ယောအလင်းတန်းမှ ကိုဘကောင်းက ပြောကြားသည်။
ယောဒေသကို အကြမ်းဖက်စစ်ကောင်စီတပ်က တိုက်ပွဲဖြစ်ပွားခြင်းမရှိပဲ လေကြောင်းဖြင့် ဗုံးကြဲ တိုက်နေမှုကြောင့် ဆောမြို့နယ်အတွင်းရှိ မြို့ပေါက်၊ချောင်းကူး၊ယောမြို့၊ရင့်ရဲ၊ကံကြီး၊ကြန်တော၊ ပြင်လယ်၊တောင့်ထက်၊ရေရှင်နှင့်ပေါက်ခေါင်းကျေးရွာတို့မှ ပြည်သူများ တိမ်းရှောင်နေရကြောင်း သိရသည်။
အကြမ်းဖက်စစ်ကောင်စီသည် တိုက်ပွဲဖြစ်ပွားခြင်းမရှိသလို စစ်ရေးလှုပ်ရှားမှုတွေ မရှိဘဲ အရပ်သား ပြည်သူလူထုနေထိုင်ရာ ကျေးရွာများကို ဦးတည်၍ လေကြောင်းဖြင့် ဗုံးကျဲ တိုက်ခိုက်မှု များနေ့စဉ် နှင့်အမျှ ပြုလုပ်လျက်ရှိရာ မိဘပြည်သူများအနေဖြင့် လေကြောင်းရန်ကာကွယ်ရေးနည်းလမ်းများ လိုက်နာပေးကြပါရန်နှင့်အိမ်တိုင်းအိမ်တိုင်း ဗုံးခိုကျင်းများတူးထားကြရန် တော်လှန်ရေးအဖွဲ့အစည်း များက တိုက်တွန်းထားသည်။
Thanlwin Myanmar Media
