အရာတော်မြို့သို့ ရိက္ခာသယ်ရန်ထွက်လာသည့် စစ်ကြောင်းကို တိုက်ခိုက်မှု စစ်သား ၁ ဦး ပွဲချင်းပြီး သေဆုံး(ရုပ်သံ)
သံလွင်မြန်မာသတင်း
မေလ ၉
စစ်ကိုင်းတိုင်း၊ အရာတော်မြို့သို့ ရိက္ခာသယ်ရန် ထွက်လာသည့်စစ်တပ်စစ်ကြောင်းကို တိုက်ခိုက်ခဲ့ရာ စစ်သား ၁ ဦး ပွဲချင်းပြီးသေဆုံးခဲ့ကြောင်း Ngwe Dwin Revolution Force ထံမှ သိရသည်။
ယမန်နေ့ မေလ ၈ ရက်နေ့တွင် အရာတော်မြို့နယ်၊ ငွေတွင်း စစ်စခန်းမှ မြို့ပေါ်သို့ ရိက္ခာသယ် ဆောင်ရန် အင်အား ၅၀ ခန့်ဖြင့် ထွက်လာသည့် စစ်တပ် စစ်ကြောင်းကို ပြည်သူ့ကာကွယ်ရေး တပ် ဖွဲ့ဝင်များက စောင့်ကြိုတိုက်ခိုက်ခဲ့ရာ အပြန်အလှန်ပစ်ခတ်တိုက်ပွဲ ၄ နာရီကျော်ကြာမြင့်ခဲ့ကြောင်း သိရသည်။
ယင်းတိုက်ပွဲအတွင်း စစ်သား ၁ ဦးနေရာမှာပင်ပွဲချင်းပြီးသေဆုံးပြီး ၆ ဦး အပြင်းအထန်ဒဏ်ရာရရှိ ကာ အရာတော် လေ့ကျင့်ရေး ၁၀ မှ အင်အား အများအပြားဖြင့် တပ်ကူရောက်ရှိလာသည့်အတွက် တော်လှန်ရေး ရဲဘော်များက ပြန်လည်ဆုတ်ခွာခဲ့ကြောင်း သိရသည်။
အဆိုပါ တိုက်ခိုက်မှုကို မုံရွာခရိုင်အမှတ် ၂၁ တပ်ရင်း နှင့် တိုက်နယ် (၉၊၁၀၊၁၁) တို့က ပူးပေါင်းကာ တိုက်ခိုက်ခဲ့ခြင်းဖြစ်ကြောင်း သိရသည်။
Thanlwin Myanmar Media
