တနင်္သာရီမြို့နယ်၊ သိန်ခွန်းရွာ၌ ၅ လကျော်ကြာတိုက်ပွဲဖြစ်ပြီး စစ်သား ၁၅၀ ခန့်သေဆုံး၊ စစ်သား ၁၂ ဦး လက်နက်ခဲယမ်းများနှင့်အတူ အလင်းဝင်
သံလွင်မြန်မာသတင်း
မေလ ၈
တနင်္သာရီတိုင်း၊ တနင်္သာရီမြို့နယ်၊ သိန်ခွန်းကျေးရွာတွင် ၅ လကျော်ကြာတိုက်ပွဲဖြစ်ပြီး စစ်သား ၁၅၀ ခန့်သေဆုံးကာ စစ်သား ၁၂ ဦး လက်နက်ခဲယမ်းများနှင့်အတူ အလင်းဝင်ခဲ့ကြောင်း မြိတ်ခရိုင် အမှတ် ၂ တပ်ရင်းက သတင်းထုတ်ပြန်သည်။
၂၀၂၄ ခုနှစ်၊ ဒီဇင်ဘာလမှစ၍ တနင်္သာရီမြို့နယ်၊ သိန်ခွန်းကျေးရွာဘက်သို့ အကြမ်းဖက်စစ်ကောင်စီ တပ်က အင်အားအလုံးအရင်းဖြင့် ထိုးစစ်ဆင်လာခဲ့သောကြောင့် ပြည်သူ့ကာကွယ်ရေးပူးပေါင်းတပ် ဖွဲ့များက တိုက်ခိုက်ချေမှုန်းခဲ့ရာ အကြမ်းဖက်စစ်သားအထိနာပြီး လေကြောင်းဖြင့် တိုက်ခိုက်ခြင်း၊ စစ်ကူအင်အားပို့ဆောင်ကာ ဆက်လက်ချီတက်နေခြင်းတို့ကြောင့် ၅ ခန့်ကြာသည်အထိ တိုက်ပွဲပြင်း ခဲ့ခြင်းဖြစ်ကြောင်း၊ လက်ရှိအချိန်အထိလည်း တိုက်ပွဲပြင်းထန်နေဆဲဖြစ်ကြောင်း သိရသည်။
အဆိုပါ ၅ လတာကာလအတွင်း တိုက်ပွဲ အကြိမ်ရေ ၁၀၀ ကျော်ခန့်ဖြစ်ခဲ့ပြီး စစ်ကောင်စီတပ်မှ အရာရှိအပါအဝင် စစ်သား ၁၅၀ ဦး ခန့်သေဆုံးခဲ့ပြီး အများအပြားဒဏ်ရာရရှိခဲ့ကြောင်း၊ လက်ရှိ ကာလတွင်လည်း နေ့စဉ်နေ့တိုင်း ထိတွေ့မှုများဖြစ်ပေါ်လျက်ရှိပြီး စစ်ကောင်စီတပ်သား ထိခိုက် သေဆုံးမှုများကာ တော်လှန်ရေးပူးပေါင်းတပ်ဖွဲ့များဘက်မှလည်း အနည်းထိခိုက်ဒဏ်ရာရရှိမှုရှိ ကြောင်း သိရသည်။
ထိတွေ့တိုက်ပွဲကာလအတွင်း စစ်ကောင်စီတပ်မှ တပ်သား ၁၂ ဦး KNLA တပ်ရင်း ၁၁ ထံ လက်နက် နှင့်အတူ အလင်းဝင်ရောက်ခဲ့ကြောင်း၊ ထိုသို့ အလင်းဝင်ခဲ့သည့် တပ်သားအများစုမှာ ထိုင်းနိုင်ငံ ဘက်မှ မြန်မာနိုင်ငံသို့ ပြန်ပို့စဥ် အတင်းအဓမ္မ စစ်သားစုဆောင်းခံခဲ့ရသူများဖြစ်ကြောင်း သိရသည်။
အဆိုပါတိုက်ခိုက်မှုကို ပြည်သူ့ကာကွယ်ရေးတပ်မတော် – PDF၊ KNLA ၊ KTLA တပ်ဖွဲ့နှင့် ပြည်သူ့ ကာကွယ်ရေးအဖွဲ့ -ပကဖ တို့ ပူးပေါင်းကာ တိုက်ခိုက်ခဲ့ခြင်းဖြစ်ပြီး ဆက်လက်၍လည်း ပူးပေါင်း တိုက်ခိုက်လျက်ရှိကြောင်း သိရသည်။
တနင်္သာရီမြို့နယ်အတွင်း ဖြစ်ပေါ်နေသော စစ်ရေးအခြေအနေများအရ ဒေသနေမိဘပြည် သူများ၊ ခရီးသွားပြည်သူများအနေဖြင့် စစ်ရေးသတိ၊ လုံခြုံရေးအသိ၊သတိရှိစွာဖြင့် သွားလာနေထိုင် ပေးကြပါ ရန် တိုက်တွန်းထားသည်။
Thanlwin Myanmar Media
