ဆားလင်းကြီး၊ တရုတ်ဝမ်ပေါင်ကုမ္ပဏီအနီး လုံခြုံရေးကင်းယူထားသော စစ်တပ်ကို တိုက်ခိုက်မှု စစ်သား ၆ ဦးသေဆုံး
သံလွင်မြန်မာသတင်း
မေလ ၆
စစ်ကိုင်းတိုင်း၊ ဆားလင်းကြီးမြို့နယ်၊ မုံရွာ-ပုသိမ် လမ်းပိုင်းရှိ တရုတ်ဝမ်ပေါင်ကုမ္ပဏီ အနီး လုံခြုံရေး ကင်းယူနေသော စစ်သားများကို တိုက်ခိုက်ခဲ့ရာ စစ်သား ၆ ဦး သေဆုံးခဲ့ကြောင်း Black Eagle LPDF ထံမှ သိရသည်။
မေလ ၃ ရက်နေ့ မွန်းလွဲ ၁ နာရီခန့်အချိန် ဆားလင်းကြီးမြို့နယ်၊ တရုတ် ဝမ်ပေါင် ကုမ္ပဏီ အနီး လုံ ခြုံရေး ကင်းယူကာ ခရီးသွား ပြည်သူများထံမှ ငွေကြေး တောင်းရမ်းနေသော စစ်ကောင်စီ တပ်သား ၄၀ ခန့်ကို တော်လှန်ရေး တပ်ဖွဲ့များက ဝင်ရောက် တိုက်ခိုက်ခဲ့ကြောင်း သိရသည်။
ထိုတိုက်ခိုက်မှုအတွင်း စစ်ကောင်စီစစ်တပ်သား ၆ ဦး သေဆုံးခဲ့ပြီး ထိခိုက် ဒဏ်ရာရရှိသူများလည်း ရှိကြောင်း၊ တိုက်ခိုက်မှု ဖြစ်ပွားပြီးနောက် တော်လှန်ရေး ရဲဘော်များ အထိအခိုက်မရှိ ပြန်လည် ဆုတ်ခွာနိုင်ခဲ့ကြောင်း သိရသည်။
အဆိုပါ တိုက်ခိုက်မှုကို Black Eagle LPDF ၊ Fighter brotherhood Guerrilla Army -FBGA ၊ နယ် စည်းမခြား ဇာမဏီပျောက်ကြားတပ်ဖွဲ့(ယင်းမာပင်ဒရုန်းအဖွဲ့)၊ တစ်ခြားမဟာမိတ်များနှင့် ပူးပေါင်း လုပ်ဆောင်ခဲ့ကြောင်း သိရသည်။
Thanlwin Myanmar Media
