ဆောမြို့နယ်၊ အညာကတင်းကျေးရွာ စာသင်ကျောင်းကို စစ်တပ်က လေကြောင်းဖြင့် ၂ ကြိမ် ဗုံးကျဲ တိုက်ခိုက်မှု အသက် ၈ နှစ်အရွယ် မိန်းကလေးတစ်ဦးအပါအဝင် အမျိုးသမီး ၄ ဦး သေဆုံးပြီး ၂ ဦး အပြင်းအထန် ဒဏ်ရာရ
သံလွင်မြန်မာသတင်း
မေလ ၁
မကွေးတိုင်း၊ ဂန့်ဂေါခရိုင်၊ ဆောမြို့နယ်အနောက်ခြမ်းရှိ အညာကတင်းကျေးရွာ စာသင်ကျောင်းကို အကြမ်းဖက်စစ်ကောင်စီတပ်က လေကြောင်းဖြင့် ၂ ကြိမ် ဗုံးကျဲတိုက်ခိုက်ခဲ့ရာ အသက် ၈ နှစ်အရွယ် မိန်းကလေးတစ်ဦးအပါအဝင် အမျိုးသမီး ၄ ဦးသေဆုံးပြီး ၂ ဦးအပြင်းအထန် ဒဏ်ရာရရှိခဲ့ကြောင်း ယောအလင်းတန်းထံမှ သိရသည်။
ယနေ့ မေလ ၁ ရက် နံနက် ၁၀ နာရီ ၃၂ မိနစ်တွင် ဆောမြို့နယ်အနောက်အခြမ်းရှိ အညာကတင်း ကျေးရွာ စာသင်ကျောင်းကို ဦးတည်၍ အကြမ်းဖက်စစ်ကောင်စီတပ် လေကြာင်းဖြင့် အသုံးပြုကာ ဗုံးကျဲတိုက်ခိုက်ခဲ့ကြောင်း၊ ထို့နောက် နောက်ထပ်တဖန် လှည့်ပတ်ပျံဝဲပြီး ၁၀ နာရီ ၃၉ မိနစ် အချိန် တွင် ထပ်မံကျဲချတိုက်ခိုက်ခဲ့ရာ အသက် ၈ နှစ်အရွယ် မိန်းကလေး တစ်ဦးအပါအဝင် အမျိုးသမီး ၄ ဦး သေဆုံးပြီး ကလေးငယ်၂ ဦး အပြင်း အထန်ဒဏ်ရာရရှိခဲ့ကြောင်း၊ ထို့အပြင်စာသင်ကျောင်း အပါ အဝင်နေအိမ် ၅ လုံးလည်း ထိခိုက် ပျက်စီး ခဲ့ကြောင်း သိရသည်။
“တံတားဦးလေတပ်ကနေတက်လာတဲ့ ဂျက်ဖိုက်တာ ၁ စီးနဲ့ တိုက်ပွဲဖြစ်ပွားခြင်းမရှိပဲ ပေါင် ၂၅၀ ဗုံး ၂ လုံး ကျဲချသွားတာ။ စာသင်ကျောင်းကို ဦးတည်ပြီးတည်တိုက်ခိုက်သွားတာပါ၊ ၁၀ နာ ရီ ၃၂ မှ တစ် ကြိမ်၊ ၃၇ မိနစ်မှာတစ်ကြိမ် လေယာဉ်တစ်စီးနဲ့ လှည့်ပတ်ကျဲသွားတာ၊ အသက် ၈ နှစ်အရွယ်မိန်းက လေးတစ်ဦးအပါအဝင် ၄ ဦးသေတယ်၊ ကလေး ၂ ဦးအပြင်းအထန်ဒဏ်ရာရတယ်” ဟု ယောအလင်း တန်းမှ တာဝန်ရှိသူတစ်ဦးက ပြောကြားသည်။
အကြမ်းဖက်စစ်ကောင်စီတပ်၏ လေကြောင်းတိုက်ခိုက်မှုကြောင့် အသက် ၆၅ နှစ် အရွယ် ဒေါ်မ ကြည်လေး ၊ အသက် ၅၂ နှစ်အရွယ် ဒေါ်တင်တင်ခိုင် အသက် ၃၈ နှစ်အရွယ်ဒေါ်ပြားသာတို့ ၃ ဦး နေရာမှာ ပင်ပွဲချင်းပြီးသေဆုံးပြီး အသက် ၈ နှစ်အရွယ် မခွန်းဆက်ချို သည်လည်း နီးစပ်ရာဆေး ခန်းသို့ ပို့ဆောင်စဉ် လမ်း၌ သေဆုံးသွားကြောင်း သိရသည်။
ယောဒေသအတွင်းသို့ အကြမ်းဖက်စစ်ကောင်စီက မကြာခဏလေကြောင်းဖြင့် ဗုံးကျဲတိုက်ခိုက်မှု များ လုပ်ဆောင်နေသောကြောင့် မိဘပြည်သူများအနေဖြင့် လေကြောင်းရန် ကာကွယ်နိုင်မည့် နည်း လမ်းများ၊ သတိပေးချက်များကို လိုက်နာပေးကြပါရန်နှင့် ဗုံးခိုကျင်းများ အိမ်တိုင်းအိမ်တိုင်းတူးထား ကြပါရန် တိုက်တွန်းထားသည်။
Thanlwin Myanmar Media
