စစ်ကိုင်းမြို့နယ်မြောက်ခြမ်းရှိ ကျေးရွာ ၂ ရွာကို စစ်တပ်က ဂျက်ဖိုက်တာဖြင့် ဗုံးကျဲတိုက်ခိုက်
သံလွင်မြန်မာသတင်း
ဧပြီလ ၂၉
စစ်ကိုင်းတိုင်း၊ စစ်ကိုင်းမြို့နယ်မြောက်ခြမ်းရှိ ကျေးရွာ ၂ ရွာကို အကြမ်းဖက်စစ်ကောင်စီတပ်က ဂျက်ဖိုက်တာဖြင့် ဗုံးကျဲတိုက်ခိုက်ခဲ့ကြောင်း Wetlet Infomational Network ထံမှ သိရသည်။
ယနေ့ ဧပြီလ ၂၉ ရက် မွန်းတည့် ၁၂ နာရီ မိနစ် ၄၀ တွင် စစ်ကိုင်းမြို့နယ်မြောက်ခြမ်းရှိ လင်းယဉ်ရွာ သစ်ကို ၁ ကြိမ် ၊မွန်း တည့် ၁၂ နာရီ ၅၂ မိနစ်တွင် စစ်ကိုင်းမြို့နယ်မြောက်ခြမ်းရှိ ကန်ကြီးရွာဘက်ကို တစ်ကြိမ် အကြမ်းဖက်စစ်ကောင်စီ၏ တံတားဦးမှ တက်လာသော ဂျက်ဖိုက်တာ ၁ စီးဖြင့် ၂ ကြိမ်ဗုံး ကျဲတိုက်ခိုက်ခဲ့ကြောင်း၊ ထိုသို့ ဗုံးကျဲတိုက်ခိုက်မှုကြောင့် ထိခိုက်ပျက်စီးဆုံးရှုံးမှုမသိရသေးကြောင်း သိရသည်။
“ပထမ ချတာက လင်းယဉ်ရွသစ်ဘက်လို့ သိရပါတယ်။ ဒုတိယက ကန်ကြီးကုန်းဘက်လို့ သိရပါ တယ်။ အထိအခိုက် မသိရသေးပါဘူး” ဟု Wetlet Infomational Network မှ တာဝန်ရှိသူ တစ်ဦး က ပြောကြားသည်။
Thanlwin Myanmar Media
