တလုပ်မြို့အထိုင်စခန်းမှ ထွက်လာသော စစ်ကြောင်းကို မိုင်းဆွဲပစ်ခတ်တိုက်ခိုက်မှု စစ်သား ၆ ဦး သေဆုံး
D Day News
ဧပြီလ ၂၄
မန္တလေးတိုင်း၊ မြင်းခြံခရိုင်၊ တလုပ်မြို့အထိုင်စခန်းမှ ထွက်လာသော အကြမ်းဖက်စစ်တပ် စစ် ကြောင်းကို မိုင်းဆွဲပစ်ခတ်တိုက်ခိုက်ခဲ့ရာ စစ်သား ၆ ဦးသေဆုံးခဲ့ကြောင်း Myingyan Tiger တပ်ဖွဲ့ထံမှ သိရသည်။
ပြီးခဲ့သည့် ဧပြီလ ၆ ရက်နေ့က အင်အား ၂၀၀ ခန့်ဖြင့် မြင်းခြံမြို့နယ် တလုတ်အထိုင်စခန်းမှ ဆင် ချောင်းရွာဘက်သို့ စစ်ကြောင်းထိုးပြီး ပြည်သူ့အိုးအိမ်များကာ မီးရှို့ဖျက်ဆီးခဲ့သော စစ်ကြောင်းကို မိုင်းဆွဲတိုက်ခိုက်ပြီးနောက် လက်နက်ကြီး၊ လက်နက်ငယ်များဖြင့် ပစ်ခတ်တိုက်ခိုက်ခဲ့ရာ အကြမ်း ဖက်စစ်သား ၆ ဦးသေဆုံးပြီး ၁၄ ဦး ဒဏ်ရာရရှိခဲ့ကြောင်း သိရသည်။
အဆိုပါ တိုက်ခိုက်မှုကို Myingyan Tiger တပ်ဖွဲ့နှင့် နှင့် Myingyan 21 အဖွဲ့တို့ ပူးပေါင်းကာ တိုက် ခိုက်ခဲ့ခြင်းဖြစ်ကြောင်း သိရသည်။
ထို့နောက် ဆင်ချောင်းကျေးရွာကို စစ်ကြောင်းထိုးပြီးနောက် ၂ ရက်ခန့်အကြာ ဧပြီလ ၈ ရက်နေ့တွင် တလုပ်မြို့အထိုင်စခန်းမှ မြင်းခြံမြို့နယ်၊ တောပုကျေးရွာဘက်သို့ ထပ်မံစစ်ကြောင်းထိုးလာကာ
မြင်းခြံခရိုင်တပ်ရင်း ၂ မှ ရဲဘော်တစ်ဦးကို ရက်စက်စွာ ဖမ်းဆီး သတ်ဖြတ်ခဲ့ကြောင်း သိရသည်။
ယင်းအကြမ်းဖက်စစ်တပ် စစ်ကြောင်းကို မြင်းခြံခရိုင်တပ်ရင်း (၂) (Myingyan Tiger/ Myingyan Ranger/Myingyan 21 Guerilla Force /PDF Taloke) မှ တိုက်ခိုက်ခဲ့ရာ အကြမ်းဖက် စစ်သား ၁၀ ဦး ထိခိုက်ဒဏ်ရာရရှိခဲ့ကြောင်း သိရသည်။
D Day News
