ကဗျာကဏ္ဍ “ရင်ကွဲနာ”

ပျိုးကြဲလက်

နွေဦးမှာ ရွာတဲ့မိုးက

ဆိုးပါပေ့ ရွှေမြန်မာ ။

ရေမပါ ဖြိုင်ဖြိုင်သက်တဲ့

မျက်ရည်မိုးသာ ။

နိုင်စားသမျှ တိုးလို့ရွာ

ဝဋ်ကြွေးဘယ်ခါ ဆုံးပါဘိ ။

ရွှေမြေမှာ ကမ္ဘာပျက်တယ်

ရက်စက်ပါ၏ ။

ရာဇပလ္လင် ခွေးတက်လို့

ပြည်ပျက်ကိန်း ဆိုက်ပြီ ။

သောကြာမှာ မြေလှုပ်ပေါ့

မင်းယုတ်ပျက်မည် ။

ဗိုလ်လူအပေါင်း အလီလီ

ဆူလိမ့်မည် ပြည်စောင်း ။

နူကလီယာ အိပ်မက်ဆိုးက

နိုးထဘိတောင်း ။

လူယုတ်နဲ့ သဘာဝဘေး

ပိုက်ထွေးတဲ့ တို့ပြည်သူ ။

စွမ်းနိုင်သူ ကိုယ်စီထလို့

နိုင်ရာကကူ ။

လဲကျသရွေ့ ဖေးမထူ

တို့များအတူတူ ရိုင်းပင်း ။

ကျမျက်ရည် ကူညီသုတ်လို့

ရန်ငုတ်ကိုရှင်း ။ ။

ပျိုးကြဲလက်

ကဗျာရေးသားချိန် = ၂၀၂၅ ခုနှစ်၊ မတ် ၂၈ ရက် ည ၁၁ နာရီ ၂၅ မိနစ်

Thanlwin Myanmar Media