ကဗျာကဏ္ဍ “ကိုယ့်လူသည်သာ”

ပျိုးကြဲလက်

တပ်မတော် ကိုးစားရတဲ့

ပါတီက နိုင်ငံကျော် ။

အသရေ တကယ်တိုးမကွယ့်

ပြည်ခိုင်ဖြိုးနော် ။

အင်အားက ဆယ်သန်းကျော်

ထင်ပေါ်တယ် အံ့မခန်း ။

တိုင်းပြည်ကို တကယ်ချစ်ရင်

စစ်မှုသာထမ်း ။

ရှေ့တန်းမှာ အသွင်သစ်နဲ့

ပြည်ချစ်တဲ့ ပါတီဝင် ။

ဆယ်ယောက်မှာ တယောက်ပဲ

စစ်ထဲဝင်ရင် ။

အာဆီယံ နယ်တခွင်

စစ်အားအင် အတောင့်ဆုံး ။

တသန်းကျော် စစ်အင်အားနဲ့

မော်ကြွားမယ့်ထုံး ။

စိတ်ကူးတွေ မလွဲနဲ့ကွယ့်

ဆွဲကြဟဲ့ ပါတီဝင်။

လူရင်းကို လက်နက်ပေးမှ

စိတ်အေးပေါ့ရှင် ။

သူစိမ်းတို့ ပြေးကြရင်

လက်နက်ပင် ဆုံးသေး ။

စစ်မှုထမ်းကို သေချာတွေးလို့

ရွေးကြစို့လေး ။     ။

ပျိုးကြဲလက်

ကဗျာရေးသားချိန် = ၂၀၂၅ ခုနှစ်၊ မတ်လ ၃ ရက် မွန်းလွဲ ၁ နာရီ ၃ မိနစ်

Thanlwin Myanmar Media