တောင်သာမြို့ အနောက်ဘက် စစ်တပ် စစ်ဆေးရေးဂိတ်ကို တိုက်ခိုက်မှု စစ်သား ၅ ဦး သေဆုံး
သံလွင်မြန်မာသတင်း
ဖေဖော်ဝါရီလ ၂၄
မန္တလေးတိုင်း၊ တောင်သာမြို့ အနောက်ဘက်ရှိ အကြမ်းဖက် စစ်တပ် စစ်ဆေးရေးဂိတ်ကို ဝင်ရောက် တိုက်ခိုက်ရာ စစ်ကောင်စီ တပ်သား ၅ ဦးသေဆုံးခဲ့ကြောင်း မြင်းခြံခရိုင် အမှတ် ၃ တပ်ရင်းထံမှ သိရ သည်။
ဖေဖော်ဝါရီလ ၁၁ ရက်နေ့ နံနက်ပိုင်းတွင် တောင်သာမြို့ အနောက်ဘက်ရှိ အကြမ်းဖက် စစ်တပ် စစ်ဆေးရေးဂိတ်ကို မြင်းခြံခရိုင် အမှတ် ၃ တပ်ရင်းမှ တော်လှန်ရေး ရဲဘော်များက ဝင်ရောက် တိုက် ခိုက်ခဲ့ရာ စစ်သားများ နေထိုင်သည့် ဘန်ကာ ၂ လုံး ထိခိုက်ပျက်စီးကာ စစ်သား ၅ ဦးသေဆုံးပြီး အများအပြား ဒဏ်ရာရရှိခဲ့ကြောင်း သိရသည်။
ထို့အပြင် စစ်ကောင်စီတပ်သားများ ကိုင်ဆောင်အသုံးပြုသော ၆၀ မမ ၊ လက်နက်ခဲယမ်းများလည်း ပျက်စီးခဲ့ကြောင်း သိရသည်။
အဆိုပါ တိုက်ခိုက်မှုကို မြင်းခြံခရိုင် အမှတ် ၃ တပ်ရင်းမှ တော်လှန်ရေး ရဲဘော်များက လုပ်ဆောင် ခဲ့ခြင်းဖြစ်ပြီး တပ်ဖွဲ့ဝင် အားလုံး အထိအခိုက်မရှိ ပြန်လည် ဆုတ်ခွာနိုင်ခဲ့ကြောင်း သိရသည်။
Thanlwin Myanmar Media
