လွိုင်ကော်မြို့နယ်၊ ကုန်းသာကျေးရွာကို စစ်တပ်က လေကြောင်းဖြင့် ဗုံးကျဲ တိုက်ခိုက်မှုကြောင့် ကလေး ၂ ဦးအပါအဝင် ၆ ဦးသေဆုံး (ရုပ်သံ)
D Day News
ဧပြီလ ၂၀
ကရင်နီပြည်နယ်၊ လွိုင်ကော်မြို့နယ်၊ ကုန်သားကျေးရွာတွ်င တိုက်ပွဲဖြစ်ပွားခြင်းမရှိပဲ အကြမ်းဖက် စစ်တပ်က လေကြောင်းဖြင့် ဗုံးကျဲတိုက်ခိုက်ခဲ့ရာ ကလေးငယ် ၂ ဦးအပါအဝင် ပြည်သူ ၆ ဦး သေ ဆုံးပြီး ၁၀ ဦးကျော်ဒဏ်ရာရရှိခဲ့ကြောင်း ဒေသသတင်းရင်းမြစ်ထံက သိရသည်။
ယနေ့ ဧပြီလ ၂၀ ရက် နံနက် ၁၁ နာရီ မိနစ် ၅၀ အချိန်ခန့်က လွိုင်ကော်မြို့နယ်၊ ကုန်းသာကျေးရွာ တွင် တိုက်ပွဲဖြစ်ပွားခြင်းမရှိပဲ အကြမ်းဖက်စစ်ကောင်စီတပ်က လေကြောင်းဖြင့် ပေါင် ၃၀၀ ဗုံးသီး ၃ လုံး ကျဲချတိုက်ခိုက်ခဲ့ရာ အသက် ၂ နှစ်နှင့် ၆ နှစ်အရွယ် ကလေးငယ် ၂ ဦးအပါအဝင် ပြည်သူ ၆ ဦး နေရာမှာပင်ပွဲချင်းပြီးသေဆုံးပြီး ၁၀ ဦးဒဏ်ရာရရှိခဲ့ကြောင်း၊ ထို့အပြင် နေအိမ် အလုံး ၂၀ ခန့်ထိခိုက် ပျက်စီးခဲ့ကြောင်း သိရသည်။
https://youtu.be/E6AxVh1A648
“၁၁ နာရီ မိနစ် ၅၀ လောက်မှာ ဝင်ကျဲသွားတယ်၊ မိသားတစ်စုလုံး ၆ ယောက်တော့ တစ်ခါတည်း သေသွားတာ၊ ၁၀ ယောက်လောက်ဒဏ်ရာရရှိသွားတယ်။ သေသွားတဲ့ မိသားစု ၆ ယောက်လောက် တော့ မီးသင်္ဂြိုလ်ဖို့ လုပ်နေကြပြီ။ ဒဏ်ရာရတဲ့ ၁၀ ယောက်ကိုတော့ ဆေးခန်းကို ပို့ပေးထားတယ်။ ဒဏ်ရာတဲ့ ၁၀ ယောက်တည်းက တစ်ယောက်ကတော့ စိုးရိမ်ရတယ်။ ကျန်တဲ့သူတွေကတော့ ကျ နော် တို့သွားကြည့်တဲ့အချိန်မှာ အရမ်းမဆိုးဘူးဆိုတဲ့အခြေအနေသိရတယ်၊ နေအိမ်တွေကတော့ အတော်ဆိုးဆိုးရွားရွားကို ထိခိုက်ပျက်စီးသွားတာ” ဟု ကူညီကယ်ဆယ်ပေးနေသူ ကိုအောင်မင်းဦး က ပြောကြားသည်။
အကြမ်းဖက်စစ်တပ်၏ လေကြောင်းဖြင့် ဗုံးကျဲတိုက်ခိုက်မှုကြောင့် အသက် ၇၀ အရွယ် ဦးမောင်လူး၊ အသက် ၆၀ အရွယ် ဒေါ် မူယွမ်၊ အသက် ၂၇ နှစ်အရွယ် ဒေါ်မလေး၊ အသက် ၄၇ နှစ်အရွယ် ဒေါ်မ ညွန့်၊ အသက် ၆ နှစ်အရွယ် မောင်ဘယ်နှဒ်တိုနှင့် အသက် ၂ နှစ်အရွယ် မနေမတို့ဖြစ်ကြောင်း သိရသည်။
D Day News
